ភ្នំពេញ៖ រដូវកាលថ្មីនៃការប្រកួតក្របខណ្ឌលីគកំពូលកម្ពុជា Metfone Cambodian League 2020 ជិតមកដល់ក្រុមនីមួយៗសុទ្ធសឹងតែកំពុងសម្រុកការហ្វឹកហាត់ដើម្បីត្រៀមខ្លួនឲ្យបានល្អរៀងៗខ្លួន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្លិបបាល់ទាត់បឹងកេត ដែលទើបតែប្រកាសតែងតាំងគ្រូបង្វឹកថ្មីលោក Apisit Im Amphai ក៏បានបើកការហ្វឹកហាត់ត្រៀមរដូវកាលថ្មីរបស់ខ្លួនផងដែរ។ ក្នុងនោះ គ្រូបង្វឹកសញ្ជាតិថៃខាងលើបានផ្ដោតទៅលើកម្លាំង និងកាយសម្បទារបស់កីឡាករ ដោយលើកតែងតែឲ្យកីឡាករថ្លឹងទម្ងន់ជារឿយៗ។
ជាមួយគ្នានេះ ខ្សែប្រយុទ្ធជួរមុខ ចាន់ វឌ្ឍនាកា ត្រូវបានគេដឹងថា ស្រកទម្ងន់អស់៣គីឡូក្រាមហើយ បន្ទាប់ពីបានហ្វឹកហាត់ជាមួយលោក Apisit Im Amphai អស់រយៈពេល២សប្ដាហ៍កន្លងមកនេះ។
គួរឲ្យដឹងដែរថា ពានរង្វាន់លីគកំពូលកម្ពុជា Metfone Cambodian League នឹងចាប់ផ្ដើមពីថ្ងៃទី១៥ ខែកុម្ភៈ ដល់ថ្ងៃទី២៥ ខែតុលា ឆ្នាំ២០២០៕
ប្រភព៖ Monghak Yong