អង់គ្លេស៖ អ្នកចាត់ការទូទៅថ្មីរបស់ក្លិប Everton លោក Carlo Ancelotti បាននិយាយថា កីឡដ្ឋាន Goodison Park នឹងបើកទ្វារជានិច្ចសម្រាប់មិត្តល្អរបស់លោកកីឡាករ Zlatan Ibrahimovic។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Zlatan បច្ចុប្បន្នកំពុងនៅទំនេរ បន្ទាប់ពីបានចាកចេញពីក្លិប LA Galaxy កាលពីពាក់កណ្ដាលខែវិច្ឆិកា ហើយកាលពីពេលថ្មីៗនេះ កីឡាករវ័យ៣៨ឆ្នាំ មានទំនាក់ទំនងខ្លាំងក្នុងការផ្ទេរទៅកាន់លីគ Serie A វិញ ដោយរបាយការណ៍បញ្ជាក់ថាក្លិប AC Milan ចាប់អារម្មណ៍ទៅលើរូបគេ។
យ៉ាងណាមិញគ្រូ Everton ថ្មីលោក Ancelotti ដែលជាអតីតគ្រូបង្វឹករបស់ Zlatan កាលនៅក្លិប Paris Saint-Germain បាននិយាយថាប្រសិនបើខ្សែប្រយុទ្ធសញ្ជាតិស៊ុតអែតរូបនេះមានចំណាប់អារម្មណ៍ចង់មក នោះកីឡដ្ឋាន Goodison Park នឹងបើកទ្វារទទួលរង់ចាំជានិច្ច។
លោក Ancelotti បានថ្លែងក្នុងសន្និសីទកាលពីថ្ងៃច័ន្ទថា៖
"Zlatan Ibrahimovic គឺជាមិត្តដ៏ល្អមួយរូបរបស់ខ្ញុំ គាត់ធ្លាប់ជាកីឡាកររបស់ខ្ញុំ។ Ibrahimovic ទើបតែបញ្ចប់ពេលវេលារបស់គាត់នៅសហរដ្ឋអាមេរិក ប៉ុន្តែការពិតទៅខ្ញុំពិតជាមិនដឹងពីគំនិតគាត់យ៉ាងម៉េចនោះទេ។ ខ្ញុំពិតជាមិនដឹងពិតមែន ទាល់តែខ្ញុំទូរស័ព្ទទៅសួរនាំគាត់ ហើយបើគាត់ចង់មកទីនេះ គាត់អាចមកបាន។"
ភ្លាមៗនោះលោក Ancelotti បានបន្ថែមយ៉ាងខ្លីថា៖
"តែមិនមែនមកដើម្បីលេងនោះទេ៕"
ប្រភព៖ beinsports
Bong I.T