ភ្នំពេញ៖ ចាប់ពីពេលនេះទៅ អតិថិជនអាចទូទាត់វិក្កយបត្រទឹករបស់រដ្ឋាករទឹកស្វយ័តក្រុងភ្នំពេញតាមកម្មវិធីទូរសព្ទដៃរបស់ធនគារ ជីប ម៉ុង ខមមើលសល ប៊ែង បានយ៉ាងងាយស្រួល បន្ទាប់ពីធនាគារនេះ បានចុះអនុស្សារណៈយោគយល់គ្នាស្តីពីកិច្ចសហការជាមួយរដ្ឋាករទឹកស្វយ័តក្រុងភ្នំពេញ កាលពីថ្ងៃទី២៣ ខែធ្នូ។
លោកឧកញ៉ា លាង ម៉េង ប្រធានក្រុមប្រឹក្សាភិបាលធនាគារ ជីប ម៉ុង ខមមើសល ប៊ែង ថ្លែងថា៖
ឯកឧត្តមបណ្ឌិត ស៊ឹម ស៊ីថា អគ្គនាយករដ្ឋាករទឹកស្វយ័តក្រុងភ្នំពេញ ជឿជាក់ថា ការចាប់ដៃគូសហការណ៍ជាមួយនឹងធនាគារ ជីប ម៉ុង នឹងផ្តល់ភាពងាយស្រួលដល់ប្រជាពលរដ្ឋ ដែលមមាញឹកក្នុងការបំពេញការងារ និងប្រកបអាជីវកម្មប្រចាំថ្ងៃ។ ជាមួយនឹងការប្រើប្រាស់កម្មវិធីទូរសព្ទរបស់ធនាគារ ជីប ម៉ុង ប្រជាពលរដ្ឋអាចទូទាត់ថ្លៃទឹកបានដោយងាយស្រួល ហើយចំណេញពេលវេលា និងមិនចាំបាច់បង់ថ្លៃសេវាបន្ថែមក្នុងការទូទាត់ទៀតផង។
ដើម្បីទូទាត់វិក្កយបត្រទឹកតាមទូរស័ព្ទដៃដោយឥតគិតថ្លៃសេវា លោកអ្នកគ្រាន់តែបង្កើតគណនីធនគារ ជីប ម៉ុង ខមមើសល ប៊ែង និងទាញយកកម្មវិធី Bank! Bank! របស់ធនាគារ ជីប ម៉ុង ខមមើសល ប៊ែង លោកអ្នកអាចប្រើប្រាស់បាន៕