អាមេរិក៖ ផ្កាយព្រះគ្រោះដ៏ធំ ដែលមានឈ្មោះថា (2000 CH59) នឹងបោះពួយមកជិតភពផែនដីរបស់យើងនេះនាពេលព្រឹកព្រលឹមនៅថ្ងៃទី ២៦ នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមជ្ឈមណ្ឌលរបស់ទីភ្នាក់ងារអវកាសសម្រាប់ការសិក្សាអំពីវត្ថុនៅជិតផែនដី (CNEOS) បានប៉ានស្មានថា ផ្កាយព្រះគ្រោះនេះអាចនឹងមានប្រវែងដល់ទៅជាង ៦០៩.៩ ម៉ែត្រ។
នោះមានន័យថា វាអាចធំជាងមជ្ឈមណ្ឌលពាណិជ្ជកម្មពិភពលោកមួយនៅទីក្រុងញូវយ៉ក ដែលមានកម្ពស់ត្រឹមតែ ៥៤៦ ម៉ែត្រ។
លោក Paul Chodas ប្រធានមជ្ឈមណ្ឌល CNEOS បានប្រាប់សារព័ត៌មាន Newsweek ថា“ ក្នុងរយៈពេលជាច្រើនសតវត្ស ឬសហវត្សអាចម៍ផ្កាយទាំងនេះ អាចវិវឌ្ឍទៅជាគន្លងឆ្លងកាត់ផែនដី។
ដូច្នេះវាជារឿងចាំបាច់មួយក្នុងការតាមដាន ដែលយើងត្រូវចំណាយអស់រយៈពេលជាច្រើនទសវត្ស ដើម្បីសិក្សាពីគន្លងនិងការវិវឌ្ឍរបស់វា។
លោកបានបង្ហើបឱ្យដឹងថា " CH59 នេះ នឹងធ្វើដំណើរមកជិតផែនដីបំផុត ហើយវាមានល្បឿនលឿនជាងព្រះចន្ទ ប្រមាណ ១៩ ដង" ។
យោងតាមសារព័ត៌មាន CNEOS បានឱ្យដឹងថា ផ្កាយព្រះគ្រោះនេះនឹងធ្វើដំណើរឆ្លងកាត់ភពផែនដីរបស់យើង ក្នុងល្បឿន ៤៣៤៥២ គីឡូម៉ែត្រក្នុងមួយម៉ោងផងដែរ៕
Bong I.T