រថយន្តដឹកទំនិញ ISUZU ស៊េរីថ្មី ១តោនកន្លះរបស់ប្រទេសជប៉ុន ដាក់លក់ក្នុងទីផ្សារកម្ពុជាហើយ!

រាជធានីភ្នំពេញ៖ កាលពីថ្ងៃទី២០ ខែធ្នូ ឆ្នាំ២០១៩ នេះ ក្រុមហ៊ុន ខេ (ខេមបូឌា) ជាក្រុមហ៊ុនតែមួយគត់ ដែលទទួលបានសិទ្ធិចែកចាយផ្តាច់មុខនូវរថយន្តដឹកទំនិញម៉ាក ISUZU បានសម្ពោធជាផ្លូវការនូវរថយន្ត ISUZU ប្រភេទដឹកទំនិញចំណុះ១តោនកន្លះស៊េរីថ្មី ម៉ូដែល QKR55F នៅអគារតាំងបង្ហាញ នៅតាមបណ្តោយផ្លូវវេងស្រេង ជាប់នឹងក្រុមហ៊ុនម៉ូតូហុងដា។

រថយន្តស៊េរីថ្មីនេះមានលក្ខណៈពិសេសជាងម៉ូដែល១តោនកន្លះ បច្ចុប្បន្នដូចជា៖ សាស់ស៊ី មានប្រវែងវែងជាងមុន កង់ក្រោយភ្លោះ មានទំហំប៉ុនគ្នា រ៉េសាវ័រដាក់ប្រេងម៉ាស៊ូតធំជាងមុន (ចំណុះ ១០០លីត្រ) ព្រមទាំងបំពាក់ដោយគុបស៊ីមាំងទប់រក្សាលំនឹងពេលដឹកធ្ងន់ចុះចំណោត។ ចំណែកកាប៊ីនឌីហ្សាញតាមបែប Aerodynamic មិនឱ្យស្ទះខ្យល់ក្នុងពេលបើកបរ ជួយឱ្យម៉ាស៊ីនរត់ស្រួល ស៊ីប្រេងតិច កាត់បន្ថយសម្លេង និងមានលំនឹងល្អ។

ចំពោះការរចនាផ្នែកខាងក្នុងវិញ គឺមានភាពធំទូលាយ ផ្តល់ភាពងាយស្រួលសម្រាប់អ្នកបើកបរ។ កៅអីជាប្រភេទកៅអីជាប់ មានទំហំធំ អ្នកបើកបរមានភាពងាយស្រួល មិនឈឺ ឬចុកចង្កេះ ទោះបីបើកបររយៈពេលយូរ។ ទ្វារទាំងសងខាងអាចបើករហូតដល់ ៩០ដឺក្រេ ងាយស្រួលក្នុងឡើងចុះ ដែលធ្វើឲ្យការបើកបរកាន់តែមានលំនឹងល្អ និងកាន់តែមានសុវត្ថិភាព ពិសេសការដឹកទំនិញបានកាន់តែច្រើនជាងមុន។

សូមបញ្ជាក់ថា រថយន្តដឹកទំនិញ ISUZU គ្រប់ម៉ូដែលទាំងអស់ គឺត្រូវបានផលិតឡើងទាំងស្រុងពីប្រទេសជប៉ុន១០០%។ រថយន្ត ISUZU ម៉ូដែលថ្មីនេះ មានលក់ជាប្រភេទក្បាលតូសាស់ស៊ី ប្រភេទរថយន្តដឹកទំនិញ ប្រភេទរថយន្ត ទូរស្ងួត និងប្រភេទរថយន្តទូរក្លាសេ។

រថយន្ត ម៉ីស៊ូហ្ស៊ុ ដឹកទំនិញស៊េរីថ្មីចំណុះ១តោនកន្លះ ម៉ូដែល QKR55F សម្រាប់តម្លៃក្បាលតូសាស់ស៊ី ត្រឹមតែ ៣២,៥០០ ដុល្លារ ប៉ុណ្ណោះ រួមទាំងប្រូម៉ូសិនពិសេសៗដូចខាងក្រោម៖

- បញ្ចុះតម្លៃរហូតដល់ ២,៥០០ ដុល្លារ
- ស្លាកលេខរថយន្ត
- បិទកញ្ចក់ការពារកំដៅថ្ងៃ
- កញ្ចប់សេវាថែទាំរថយន្តចំនួន០៣ដង មានរួមការដូរប្រេងម៉ាស៊ីន ដូរតំរងប្រេងម៉ាស៊ីន បាញ់ខ្លាញ់ កាឡេ និងត្រួតពិនិត្យប្រពន្ធ័សុវត្ថិភាពចំនួន២០ចំនុច
- ការធានាផ្ទាល់ពីរោងចក្រលើបច្ចេកទេស ក្នុងរយៈពេល០២ឆ្នាំ ឬចំងាយ ៥០,០០០គ.ម

លើសពីនេះយើងក៏មានមជ្ឈមណ្ឌលសេវាកម្មដ៏ធំមានឧបករណ៍គ្រប់ប្រភេទ ទំនើបទាន់សម័យ ដែលមានបម្រើសេវាកម្មដូចជា៖ ជួសជុល ថែទាំ ផ្លាស់ប្តូរគ្រឿងបន្លាស់ម៉ាក ISUZU គ្រប់ប្រភេទ៕

សម្រាប់ព័ត៌មានលម្អិត សូមទំនាក់ទំនងទូរស័ព្ទលេខ៖ ០១២ ៨៥៨ ០១៣ / ០២៣ ៩០១ ៣៦៨។