ភ្នំពេញ៖ គួរឲ្យរម្លឹកទៅកាលពីឆ្នាំ២០១៨ កន្លងទៅនេះ ប្អូនស្រីរបស់ពិធីការីនី សុភ័ក្រ កុសុម៉ា ធ្លាប់ត្រូវបានចោរឆក់ទូរស័ព្ទនៅចំពោះមុខម្តងរួចទៅហើយ ខណៈពេលដែលនាងកំពុងតែព្យាយាមថតរូបឲ្យ កុសុម៉ា នៅតាមផ្លូវ ស្រាប់តែត្រូវបានចោរធ្វើសកម្មភាពឆក់យកទូរស័ព្ទនោះពីដៃរបស់នាងទៅបាត់ ដោយសុវត្ថិភាព សំខាន់ទូរស័ព្ទនោះគឺជាទូរស័ព្ទ របស់កុសុម៉ាផ្ទាល់តែម្តង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ចូលមកដល់ចុងឆ្នាំ២០១៩នេះ ប្អូនស្រីរបស់ពិធីការីនី ក៏ដូចជាតារាកំប្លែងស្រីរូបនេះ ក៏បានជួបនូវរឿងរ៉ាវស៊យនេះជាថ្មីម្តងទៀត ប៉ុន្តែលើកនេះមិនមែនឆក់ឡើយ គឺជាការលូកកាបូបលួចវិញម្តង។
ជាការពិតណាស់ នេះយោងតាមការលើកឡើងរបស់ កុសុម៉ា នៅក្នុងវីដេអូខាងក្រោមនេះ បានឲ្យដឹងថា ប្អូនស្រីរបស់នាងត្រូវបានចោរលូកយកទូរស័ព្ទពីក្នុងកាបូបស្ពាយពីក្រោយ ខណៈពេលដែលនាងកំពុងតែដើរផ្សាររកទិញរ៉ូបឲ្យ កុសុម៉ា ។ ហើយការបាត់លើកនេះ គឺជាទូរស័ព្ទប្អូនស្រីរបស់នាងផ្ទាល់តែម្តង។
យ៉ាងណាមិញ ក្រោយជួបហេតុការណ៍បាត់ទូរស័ព្ទជាលើកទី២នេះ កុសុម៉ា ក៏បានថតវីដេអូសួរនាំប្អូនស្រីរបស់នាង ទាំងទឹកភ្នែកទឹកសម្បោរបង្ហោះលើយូធូប ធ្វើឲ្យអ្នកគាំទ្រទប់សំណើចមិនបានផងដែរ៕