ចិន៖ សិស្សសាកលវិទ្យាល័យក្រីក្រម្នាក់ឈ្មោះ Ming Jixian អាយុ ២២ ឆ្នាំបានសម្រេចចិត្តឡើងប្រដាល់ជាមួយកីឡាករម្នាក់ ដែលមានបទពិសោធន៍ ឈ្មោះ Wang Haoran នៅខេត្ត Chengdu កាលពីថ្ងៃទី ៣០ ខែវិច្ឆិកា កន្លងទៅ ដោយសង្ឃឹមថា នឹងទទួលបានលុយ ៣៤ ដុល្លារសម្រាប់ការប្រកួត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគេហទំព័រសារព័ត៌មាន Shanghaiist បានឱ្យដឹងថា កីឡាករឈ្មោះ Wangist អាយុ ១៩ ឆ្នាំមានកំណត់ត្រាឈ្នះ ១១ ដង មិនដែលចាញ់ រួមទាំងបានផ្តួលដៃគូឲ្យសន្លប់ ៣ លើក។
លោក Ming ដែលមកពីគ្រួសារកសិករក្នុងទីជនបទ ត្រូវបានគេបង្វឹករយៈពេលតែមួយខែប៉ុណ្ណោះដើម្បីត្រៀមប្រកួត ដោយគេបានសន្យានឹងឱ្យលុយ ២៤០ យ័ន (ឬប្រហែល ៣៤ ដុល្លារអាមេរិក) ទោះបីឈ្នះឬចាញ់ក៏ដោយ។
កីឡាករដែលមិនមានបទពិសោធន៍នេះ ត្រូវរងកណ្តាប់ដៃយ៉ាងដំណំហើយសន្លប់នៅកន្លែង បន្ទាប់ពីការប្រកួតចាប់ផ្តើមបានតែ ៣៥ វិនាទីប៉ុណ្ណោះ។
វីដេអូក្នុងការប្រកួតត្រូវបានបង្ហោះតាមអ៊ីនធើណែត ដែលគេឃើញកីឡាករឈ្មោះ Ming ត្រូវកីឡាករម្នាក់ទៀតដាល់កណ្តាលមុខជាច្រើនដៃ ហើយចុងក្រោយកីឡាករគ្មានបទពិសោធន៍រូបនេះត្រូវសន្លប់ធំ ដោយត្រូវមួយដៃចំក្បាលថែមមួយជើងចំកណ្តាលពោះ។
លោក Ming ត្រូវបានគេប្រញាប់បញ្ជូនទៅមន្ទីរពេទ្យនៅខេត្ត Chengdu ជាកន្លែងដែលគាត់បានសន្លប់អស់រយៈពេលជាច្រើនសប្តាហ៍ មុនពេលគាត់បានស្លាប់នៅថ្ងៃសុក្រ។
ចាប់តាំងពីពេលនោះមកគ្រួសាររបស់លោក Ming ទទួលបានលុយមួយចំនួនពីការអង្គាស ដើម្បីបង់ថ្លៃខាងមន្ទីរពេទ្យដែលមានរហូតដល់ជាង ២០ ម៉ឺនយ័ន (២៨.៥៤៤ ដុល្លារ) ។
គ្រួសារលោកក៏បានទាមទារសំណងពីអ្នករៀបចំការប្រកួតនេះផងដែរ។ ខណៈពេលដែលអ្នករៀបចំកម្មវិធីបានផ្តល់ប្រាក់ចំនួន ៨០,០០០ យ័ន (ឬប្រហែល ១១,៤០០ ដុល្លារអាមេរិក) ជាសំណងសម្រាប់មរណភាពរបស់លោក Ming ។ ក្រុមគ្រួសារកំពុងតែស្នើសុំបន្ថែមទៀតដោយសារថ្លៃព្យាបាលចំណាយអស់ច្រើន៕
Bong I.T