រាជធានីភ្នំពេញ ៖ គិតត្រឹមថ្ងៃទី២០ធ្នូ ម្សិលមិញនេះ ម្ចាស់ផ្ទះកម្ពុជាដណ្ដើមបានមេដាយសរុបចំនួន១៣គ្រឿងក្នុងនោះមេដាយ មាស៣គ្រឿង មេដាយប្រាក់៦គ្រឿង និងមេដាយ សំរឹទ្ធិ៤គ្រឿងពីព្រឹត្តិការណ៍ប្រកួតជើងឯកពិភព លោកកីឡាវ៉ូវីណាមលើកទី៦(The 6th WVVF World Championship 2019) ដែលបាននិងកំពុងរៀបចំធ្វើនៅពហុកីឡដ្ឋានជាតិអូឡាំពិក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមគេហទំព័រព័ត៌មានរបស់សហព័ន្ធកីឡាវ៉ូវីណាមកម្ពុជា បានឱ្យដឹងថា មេដាយ មាសទាំង៣គ្រឿងនោះ១គ្រឿងដណ្ដើមបានដោយកីឡាការិនីប៉ាល់ ឆរស្មុី លើវិញ្ញាសាកូនកាំបិតភ្លោះឯកត្តជននារី ១គ្រឿងទៀតដណ្ដើមបានពីការប្រកួតសម្ដែងជាក្រុមផ្នែកនារីនិង១គ្រឿងចុងក្រោយដណ្ដើមបានដោយកីឡាករ ម៉ឺន មេឃា លើវិញ្ញាសាប្រយុទ្ធក្នុងប្រភេទទម្ងន់៦៤គីឡូក្រាមឯកត្តជនបុរស ខណៈមេដាយប្រាក់ដណ្ដើមបានដោយកីឡាការិនី ឯម ច័ន្ទកនិកា លើវិញ្ញាសាមេគុណផ្នែកឯកត្តជននារី។
គួររំលឹកថា ព្រឹត្តិការណ៍ប្រកួតកីឡាវ៉ូវីណាម ជ្រើសរើសជើងឯកពិភពលោកលើកទី៦ដែលកម្ពុជាទទួលធ្វើជាម្ចាស់ផ្ទះលើកនេះចាប់ផ្ដើមប្រកួតពីថ្ងៃទី១៦ដល់២២ ធ្នូ ដោយមានបណ្ដាប្រទេសចំនួន២៤ចូលរួម និងមានកីឡាករ កីឡាការិនីសរុបចំនួន២១៧នាក់ ៕
ប្រភព៖ កោះសន្តិភាព