ពិតជាគួរឲ្យច្រណែន ពេលឃើញជីវិតគ្រួសារដ៏កក់ក្តៅរបស់ ជា វណ្ណារិទ្ធ បែបនេះ!

ភ្នំពេញ៖​ ប្រិយមិត្តជាច្រើន ប្រាកដជាបានស្គាល់រួចមកហើយ ពីលោក ជា វណ្ណារិទ្ធ ដែល​ជាពិធីករ​មួយរូបដ៏មានប្រជាប្រិយភាព​ ហើយគ្រប់គ្នាតែងតែបានឃើញលោកសឹងតែគ្រប់កម្មវិធី មិនថាកម្មវិធីតូច ​ធំ ឬកម្មវិធីបែបផ្លូវការ​នោះទេ។

យ៉ាងណាមិញ បើងាកមកមើលពីជីវិតគ្រួសារ របស់តារាប្រុសកូន២រូបសង្ហានេះវិញ ឃើញថា តែងតែបង្កើនភាពផ្អែមល្ហែម និងមានសុភមង្គលយ៉ាងខ្លាំង ដែលធ្វើឲ្យមហាជនអ្នកគាំទ្រ កួចចិត្តច្រណែនមិនស្ទើរឡើយ។

ជាក់ស្ដែង លោកត្រូវបានគេដឹងថា បើទោះបីជា​ រវល់នឹងការងារប៉ុណ្ណា ក៏លោកមិនដែលទុកគ្រួសារចោលឡើយ  ដោយ​​​​​លោកប៉ាសម័យថ្មី ជា វណ្ណារិទ្ធ​​ មានឈ្មោះថ្មីថា “លោកប៉ាសាមញ្ញ” រូបនេះ គឺតែងតែឆ្លៀតពេលវេលាជាមួយនឹងប្រពន្ធកូន ដើម្បីបង្កើតបរិយាកាសសប្បាយរីករាយ ភាពកក់ក្តៅ តាមរយៈការធ្វើដំណើរកម្សាន្តនានា សកម្មភាពប្រលែងលេងជាមួយនឹងកូនៗ និងការជួបជុំញ៉ាំអាហារជាដើម។

គួរឲ្យដឹងផងដែរថា បច្ចុប្បន្ន លោក វណ្ណារិទ្ធ មានកូនប្រុសគួរឲ្យស្រលាញ់ ២នាក់ ដោយកូនប្រុសទី១ មានឈ្មោះថា​ ជា ប្រសិទ្ធិរិទ្ធ ហៅ Fame​ និងកូនប្រុសពៅឈ្មោះ ជា ប្រសិទ្ធភិរក្ស ហៅថា Fear​ ៕

ទស្សនារូបភាពខាងក្រោម៖​