បេកាំង៖ ផ្កាយរណបអង្កេតផែនដី ដែលបានបង្កើតរួមគ្នាដោយប្រទេសចិននិងប្រេស៊ីល ត្រូវបានបាញ់បង្ហោះឡើងនៅទីអវកាសកាលពីថ្ងៃសុក្រ ក្រោមកម្មវិធីទ្វេភាគីដែលត្រូវបានគេមើលឃើញថា ជាគំរូសម្រាប់កិច្ចសហប្រតិបត្តិការទូលំទូលាយក្នុងចំណោមប្រទេស (CBERS) ប្រេស៊ីល រុស្ស៊ី ឥណ្ឌា ចិននិងអាហ្វ្រិកខាងត្បូង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទីភ្នាក់ងារព័ត៌មាន Xinhua បានរាយការណ៍ថា ផ្កាយរណប ចិន-ប្រេស៊ីលត្រូវបានបាញ់បង្ហោះដោយរ៉ូកែត Long March-4B នៅខេត្ត Shanxi ភាគខាងជើងប្រទេសចិន។
ផ្កាយរណបនេះត្រូវបានបង្កើតឡើងលើកទី ៦ ក្រោមកម្មវិធីផ្កាយរណបឃ្លាំមើលធនធានធម្មជាតិលើផែនដីរបស់ចិន-ប្រេស៊ីល ដែលបានចាប់ផ្តើមក្នុងឆ្នាំ ១៩៨៨ ។
CBERS-4A នឹងគាំទ្រដល់ការឃ្លាំមើលរបស់រដ្ឋាភិបាលប្រេស៊ីលលើព្រៃអាម៉ាហ្សូន និងការប្រែប្រួលផ្សេងៗនៅក្នុងបរិស្ថានរបស់ប្រទេសនេះ។
ប្រទេសប្រេស៊ីល រុស្ស៊ី ឥណ្ឌា ចិននិងអាហ្វ្រិកខាងត្បូង ដែលគេស្គាល់ថា BRICS បានពិភាក្សាគ្នាលើកិច្ចព្រមព្រៀងក្របខណ្ឌ ដើម្បីបង្កើតផ្កាយរណបសម្រាប់ផែនដី ដែលអាចដឹងពីចម្ងាយនិងចែករំលែកទិន្នន័យដែលផ្កាយរណបនីមួយៗទទួលបាន។
យោងតាមរដ្ឋបាលអវកាសជាតិចិនក្នុងឆ្នាំ ២០១៨ ប្រទេសនីមួយៗនឹងផ្តល់ផ្កាយរណបពី ១ ទៅ ២ សម្រាប់ការឃ្លាំមើលនេះ។
បច្ចុប្បន្ននៅក្នុងប្លុក BRICS មានតែអាហ្វ្រិកខាងត្បូងទេ ដែលមិនមានផ្កាយរណបរបស់ខ្លួន៕