កម្ពុជា៖ បើយោងតាមគេហទំព័រ Time and date បានឲ្យដឹងថានៅថ្ងៃទី២២ខែធ្នូនេះនឹងកើតមានព្រឹត្តិការណ៍ប្រចាំឆ្នាំមួយគឺសិសិរស៊ុលស្ទិស ដែលមានន័យថាពេលយប់មានរយៈពេលយូរជាងពេលថ្ងៃ។ ជាទូទៅនៅក្នុងខែធ្នូរវាងថ្ងៃទី២១និង២២ កាំរស្មីរបស់ព្រះអាទិត្យពេលថ្ងៃត្រង់នឹងកែងនៅចំណុចណាមួយនៅលើខ្សែស្របទី២៣.៤°ខាងត្បូងអេក្វាទ័រ ដូច្នេះប្រទេសដែលស្ថិតនៅអឌ្ឍគោលខាងជើងនឹងជួបប្រទះរយៈពេលយប់វែងជាងពេលរាល់ដង។ តំបន់ប្រទេសដែលស្ថិតនៅអឌ្ឍគោលខាងជើងមានដូចជាអាមេរិកខាងជើង អាមេរិកកណ្ដាល អឺរ៉ុប អាស៊ី និងអាហ្វ្រិកខាងកើត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រទេសកម្ពុជារបស់យើងនៅក្នុងចំណោមប្រទេសជាច្រើនដែលស្ថិតក្នុងព្រឹត្តិការណ៍សិសិរស៊ុលស្ទិសនេះ ហើយថ្ងៃទី២២នេះដែរវេលាម៉ោង១១:១៩ព្រឹក(ម៉ោងនៅកម្ពុជា)កាំរស្មីព្រះអាទិត្យនឹងប៉ះកែងខ្សែស្របខាងត្បូងអេក្វាទ័រ។ គួរបញ្ជាក់ផងដែរថាសម្រាប់ប្រទេសកម្ពុជារបស់យើងនៅថ្ងៃទី២២ខែធ្នូនេះព្រះអាទិត្យនឹងរះឡើងនៅម៉ោង៦:១៥ព្រឹកនិងលិចទៅវិញនៅម៉ោង៥:៤២ល្ងាច ហើយពេលថ្ងៃមានរយៈពេលត្រឹមតែ១១ម៉ោងនិង២៦នាទីប៉ុណ្ណោះ៕