វាជារឿងដែលគួរឲ្យស្ញើចសរសើរមួយនៅពេលដែលដឹងថាឳពុកមួយរូបដែលពុំទទួលបានការអប់រំសោះ តែបែរជាស្រលាញ់ចំណេះដឹងស្ទើរមិនគួរឲ្យជឿ។ ឪពុករបស់សិស្សស្រីឈ្មោះថា Pashtun ត្រូវបានអ្នកប្រើប្រាស់បណ្តាញសង្គមចាត់ទុកថាជាវីរបុរសដ៏អស្ចារ្យមួយរូបដោយសារហេតុផលដ៏គួរឲ្យកោតសរសើរមួយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកឪពុករូបនេះមានឈ្មោះថាMia Khan បានជិះកង់ឌុបកូនស្រីទៅសាលារៀន ចម្ងាយ ១២ គីឡូម៉ែត្ររាល់ថ្ងៃ។ ក្រៅពីនេះលោកក៏រង់ចាំ ៤ ម៉ោងទៀតរហូតដល់ចប់ម៉ោងរៀន ទើបឌុបកូនត្រលប់មកវិញ។ នេះបើតាមការបង្ហោះរបស់អ្នកប្រើប្រាស់ប្រព័ន្ធធ្វីតធ័រម្នាក់ឈ្មោះSafi Ali បានចែករំលែករឿងរ៉ាវរបស់លោកMia Khan នៅលើបណ្តាញសង្គម Twitter ។
Safi Ali បានសរសេរថា កាលពីក្មេង Mia Khan គាត់មិនបានរៀនសូត្រនោះទេ អ៊ឹចឹងហើយគាត់ចង់អោយកូនស្រីរបស់គាត់ក្លាយជាគ្រូពេទ្យព្រោះគ្មាននរណាម្នាក់នៅក្នុងភូមិរបស់ពួកគេចេះជំនាញនោះសោះ។
គ្រាន់តែឃើញការបង្ហោះនៅលើប្រព័ន្ធធ្វីតធ័របែបនេះ មានអ្នកប្រើប្រាស់បណ្តាញអ៊ីនធឺណែតជាច្រើនបានចែករំលែកបន្តព្រោងព្រាត ក្នុងនោះពួកគេបានដាក់រហ័សនាមឲ្យលោក Mia Khan ថាជា“ វីរបុរសពិត” ។
អ្នកប្រើប្រាស់បណ្តាញអ៊ីនធឺណែតមានមោទកភាពចំពោះ លោកMia Khan យ៉ាងខ្លាំង ខណៈដែលការបង្ហោះនេះទទួលបានការLikeជាច្រើន ហើយត្រូវបានចែកចាយបន្តយ៉ាងសន្ធឹកសន្ធាប់ នៅលើបណ្តាញសង្គម Twitter ។ នៅក្នុងផ្នែកComment ឯណោះវិញ អ្នកលេងអ៊ីនធឺណេតបានសរសេរពាក្យថ្លែងអំណរគុណចំពោះឪពុករូបនេះដែលបានផ្តល់ឳកាសឲ្យកូនស្រីបានរៀនសូត្របន្ត៕
ប្រភព៖ India Today