អាមេរិក៖ ព្រៃឈើក្នុងទីក្រុងញូយ៉កដែលជាកម្មសិទ្ធិរបស់ក្រុមអ្នកវិទ្យាសាស្ត្រដើម្បីសិក្សាស្រាវជ្រាវត្រូវបានគេជឿថាពីមុនវាធ្លាប់បានលាតសន្ធឹងហួសរដ្ឋ Pennsylvania ទៀត។ កាលពីពេលថ្មីៗកន្លងទៅនេះក្រុមអ្នកវិទ្យាសាស្ត្របានសិក្សានិងរកឃើញហ្វូស៊ីលដើមឈើជាច្រើនដែលមានអាយុកាល៣៨៦លានឆ្នាំមុននៅកន្លែងគាស់យកថ្មដែលគេបោះបង់ចោលនៅតំបន់ Cairo ក្នុងទីក្រុងញូយ៉ក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហ្វូស៊ីលដែលគេទើបតែរកឃើញត្រូវបានគេជឿថាមានអាយុចាស់ជាងព្រៃនៅតំបន់ Gilboa ក្នុងទីក្រុងញូយ៉កដូចគ្នារហូតដល់២ទៅ៣លានឆ្នាំ។ របកគំហើញថ្មីនេះបានផ្ដល់ពន្លឺទៅដល់ការសិក្សាអំពីការវិវឌ្ឍន៍នៃដើមឈើ។ ការសិក្សាពីព្រៃឈើនៅតំបន់នេះមិនមែនទើបតែចាប់ផ្ដើមនោះទេ ពោលគឺក្រុមអ្នកវិទ្យាសាស្ត្រដែលមកពីប្រទេសអង់គ្លេស និងអាមេរិកបានរួមសហការគ្នាធ្វើការសិក្សាស្រាវជ្រាវតំបន់ព្រៃក្នុងទីក្រុងញ៉ូយ៉កជាង១០ឆ្នាំកន្លងមកហើយ។ មិនតែប៉ុណ្ណោះពួកគាត់បានគូសផែនទីលើផ្ទៃដី ៣,០០០ម៉ែត្រក្រឡា ដែលវាជាតំបន់ចំណាស់ជាងគេដែលអ្នកអាចធ្វើការពនេចរជុំវិញកន្លែងហ្វូស៊ីលព្រៃឈើដែលធ្លាប់មានជីវិតតាំងពីយូរលង់មកហើយ។
លើសពីនេះទៅទៀតក្រុមអ្នកស្រាវជ្រាវក៏បានរកឃើញឫសឈើវែងៗជាច្រើនដែលអាចផ្លាស់ប្ដូរវិធីនៃការដុះនិងរបៀបបៀមទឹកដើម្បីរក្សាទុក។ គេជឿថាព្រៃឈើទាំងនោះត្រូវបានបំផ្លាញដោយសារទឹកជំនន់ ហើយក្រុមអ្នកវិទ្យាសាស្ត្របានរកឃើញហ្វូស៊ីលត្រីមួយចំនួននៅលើផ្ទៃដីដែលគេធ្លាប់គាស់យកថ្មកាលពីមុនដែរ៕