ស៊ុយអែត៖ ស៊ុយអែតបានសាងសង់ និងដាក់សម្ពោធសណ្ឋាគារដែលធ្វើពីល្បាយនៃព្រិលនិងទឹកកកលើកទី ៣០ របស់ខ្លួនជាថ្មីម្ដងទៀត ជាមួយនឹងរូបរាងដ៏ប្រណីតលើសពីឆ្នាំមុនៗ។ ផ្ទាំងទឹកកកជាច្រើនប្រមាណ ៣០,០០០ ម៉ែត្រគូប ដែលសិល្បករចំនួន ៣៣ នាក់មកពី ១៦ ប្រទេសផ្សេងគ្នាបានចំណាយពេលសាងសង់ប្រមាណ ៤ ទៅ ៥ សប្ដាហ៍ ។ ហើយសណ្ឋាគារនេះតែងតែសាងសង់ឡើងវិញជារៀងរាស់ឆ្នាំ នៅឯភូមិជុកកាសាវី ប្រទេសស៊ុយអែត ដែលមានចម្ងាយ ១២៥ ម៉ៃល៍ (២០១ គីឡូម៉ែត្រ) ខាងជើងតំបន់រង្វង់អាក់ទិក ជាប់នឹងច្រាំងទន្លេ Torne ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងពិធីគំរប់ខួបលើកទី៣០នេះ គេឃើញមានការដេគ័រប្លែកៗគួរឲ្យចាប់អារម្មណ៍ជាច្រើនដូចជា ការឆ្លាក់រូបសត្វ ក្លោងទ្វារចូលសណ្ឋាគារ ព្រះវិហារ និងគ្រែគេងដែលហាក់បីដូចជាមានពន្លឺចាំងចេញពីខាងក្នុងអីចឹង។ ទន្ទឹមនឹងនេះ លោក Yngve Bergqvist ដែលជាស្ថាបនិកសណ្ឋាគារខាងលើបានលើកឡើងថា “លោកពិតជាមានមោទកភាពចំពោះបុគ្គលិកឆ្នើមៗ ដែលបានខិតខំប្រឹងប្រែងជាច្រើនឆ្នាំកន្លងមកនេះ ក្នុងការផ្ដល់ជូនភ្ញៀវដែលមកពីគ្រប់ទិសទីជុំវិញពិភពលោក ” ។
គួរឲ្យដឹងផងដែរ សណ្ឋាគារដែលសាងសង់ពីល្បាយនៃព្រិល និងទឹកកកខាងលើ តែងតែសាងសង់ឡើងជារៀងរាល់ឆ្នាំ ចាប់តាំងពីឆ្នាំ ១៩៨៩ មកម្ល៉េះ ហើយមកទល់នឹងពេលនេះមានរយៈពេល ៣០ ឆ្នាំហើយ។ មួយវិញទៀតនៅខាងក្នុងសណ្ឋាគារមានស៊ីតណ្ហភាពប្រហែល -៥ អង្សាសេ ៕
សូមទស្សនារូបភាពខាងក្រោម៖