អូស្ត្រាលី៖ ស្ថានភាពអាសន្នត្រូវបានប្រកាសនៅក្នុងរដ្ឋ New South Wales ប្រទេសអូស្ត្រាលីបន្ទាប់ពីរលកកម្ដៅបានផ្ទុះឡើង ហើយស្ថានភាពដ៏អាក្រក់នេះបណ្ដាលឲ្យភ្លើងឆេះព្រៃកាន់តែធ្ងន់ធ្ងរថែមមួយកម្រិតទៀត។ សីតុណ្ហភាពក្នុងតំបន់បានកើនឡើងខ្ពស់កាលពីថ្ងៃអង្គារហើយនៅតែបន្តកើនឡើងរហូតដល់៤១.៩អង្សាសេនៅថ្ងៃពុធម្សិលមិញនេះ។

រលកកម្ដៅស្ទើរតែគ្របដណ្ដប់ពេញប្រទេសអូស្ត្រាលី  (ប្រភព៖ BBC)

គួររម្លឹកផងដែរថាសីតុណ្ហភាពក្នុងប្រទេសអូស្ត្រាលីធ្លាប់បានបំបែកកំណត់ត្រារួចម្ដងហើយកាលពីឆ្នាំ២០១៣នៅក្នុងសីតុណ្ហភាព៤០.៣អង្សាសេ ប៉ុន្តែរលកកម្ដៅក្នុងឆ្នាំនេះកាន់តែអាក្រក់ជាងឆ្នាំ២០១៣ទៅទៀត។ អជ្ញាធរក្នុរដ្ឋ New South Wales បានកំពុងធ្វើការយ៉ាងសស្រាក់សស្រាំដើម្បីពន្លត់ភ្លើងឆេះព្រៃជាង១០០កន្លែង ហើយភ្លើងឆេះព្រៃបានបំផ្លាញផ្ទះអស់រាប់រយខ្នងនិងបានសម្លាប់មនុស្សអស់៦នាក់ផងដែរ។

ភ្លើងឆេះព្រៃបានបំផ្លាញផ្ទះអស់រាប់រយខ្នងនិងបានសម្លាប់មនុស្សអស់៦នាក់

បើយោងតាមប្រព័ន្ធផ្សព្វផ្សាយនៅក្នុងស្រុកបានឲ្យដឹងថាមនុស្សប្រមាណ៥០០នាក់បានធ្វើការតវ៉ានៅខាងក្រៅលំនៅដ្ឋានរបស់លោក Scott Morrison ដែលជានាយករដ្ឋមន្ត្រីរបស់អូស្ត្រាលី ដោយទាមទារឲ្យមានវិធានការទៅលើបម្រែបម្រួលអាកាសធាតុ ខណៈពេលដែលលោកនិងក្រុមគ្រួសារកំពុងសម្រាកលំហែកាយនៅកោះហាវ៉ៃ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ