អាមេរិក៖ បង្គន់វៃឆ្លាតអាចជួយឱ្យវេជ្ជបណ្ឌិតយល់ពីសុខភាពរបស់អ្នកបានកាន់តែប្រសើរ ប៉ុន្តែបច្ចេកវិទ្យាក៏អាចប៉ះពាល់ដល់ជីវិតឯកជនរបស់អ្នកដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយសារទិន្នន័យនៃការវិភាគទឹកនោមនឹងត្រូវបញ្ជូនទៅកាន់ការិយាល័យវិភាគ ដូច្នេះហើយបុគ្គលិកដែលធ្វើការនៅទីនោះឬក្រុមវាយប្រហារតាមប្រព័ន្ធអ៊ីនធឺណិត អាចមើលឃើញទិន្នន័យសុខភាព និងរបៀបរស់នៅរបស់អ្នកប្រើប្រាស់បាន។
ទោះជាយ៉ាងណាក៏ដោយ ហានិភ័យនេះក៏មិនអាចពន្យារពេលអ្នកវិទ្យាសាស្ត្រក្នុងការអភិវឌ្ឍឧបករណ៍ដែលមានសមត្ថភាពនោះដែរ។ ឧបករណ៍នេះអាចវិភាគរកឃើញដូចជា ជំងឺតម្រងនោម, ជំងឺទឹកនោមផ្អែម និងរោគសញ្ញានៃជំងឺដ៏ទៃទៀត។
បង្គន់នេះ បច្ចុប្បន្នកំពុងស្ថិតក្នុងដំណាក់កាលអភិវឌ្ឍន៍ហើយត្រូវបានរចនាឡើងដោយក្រុមបង្កើតមួយនៅសាកលវិទ្យាល័យ Wisconsin-Madison (UW-Madison) ។
លោក Joshua Coon និងលោក Ian Miller អ្នកវិទ្យាសាស្ត្រដែលផលិតបង្គន់រួមនឹងអ្នកចូលរួមពីរនាក់ផ្សេងទៀត បានរកឃើញក្នុងការស្រាវជ្រាវថា ការវិភាគលើទឹកនោមអាចបង្ហាញឱ្យពួកគេដឹងថាតើអ្នកបានញាំអាហារូបត្ថម្ភបែបណា គេងបានប៉ុណ្ណា ហាត់ប្រាណកម្រិតណា ហូបគ្រឿងស្រវឹងឬកាហ្វេកម្រិតណា ជាដើម។
ពួកគេសង្ឃឹមថា ផលិតផលនេះនឹងអាចបញ្ចប់ជាស្ថាបពរនៅក្នុងរយៈពេលប្រាំឆ្នាំទៀត ប៉ុន្តែអ្នកវិទ្យាសាស្ត្រពិតជាយល់ថាវាក៏អាចភ្ជាប់មកជាមួយនូវផលប៉ះពាល់បានដូចគ្នា ជាពិសេសការវាយប្រហារតាមអ៊ីនធឺណិតដើម្បីហែកចូលទៅមើលទិន្នន័យ រាល់ពេលអ្នកប្រើប្រាស់បញ្ជូនទិន្នន័យនៃការពិនិត្យទៅឲ្យគ្រូពេទ្យ៕