អាមេរិក៖ កាលពីថ្មីៗនេះអង្គការណាសា បានប្រកាសអំពីគម្រោងនៃការហោះសាកល្បងយន្ដហោះប្រភេទថ្មីដ៏ធំបំផុតមួយរបស់ខ្លួន ដែលចំណាយពេលផលិតជាង ៣០ ឆ្នាំ។ យន្ដហោះនេះមានល្បឿនលឿនដូចយន្ដហោះប្រភេទ Concorde ដែរ។ Concorde អាចហោះបានក្នុងល្បឿន ២,១៧៩ គីឡូម៉ែតក្នុងមួយម៉ោង តែយន្ដហោះប្រភេទថ្មីដែលណាសាគ្រោងនឹងសាកល្បងមួយនេះ វាមានល្បឿនលឿនបំផុតដែលគេសន្មត់ថាអាចមានល្បឿនលឿនជាងសំឡេងទៅទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយន្ដហោះខ្នាតធំមួយនេះ បានផលិតឡើងដោយមានការចូលរួមជាមួយនឹងក្រុមហ៊ុនអាកាសចរណ៍ Lockheed Martin។ ហើយបើការផលិតអាចបញ្ចប់ទាន់ពេលដែលបានកំណត់ វានឹងដាក់ឲ្យដំណើរការសាកល្បងនៅដើមឆ្នាំក្រោយ ហើយនឹងបន្តឲ្យដំណើការពេញលេញក្នុងឆ្នាំ ២០២១ ខាងមុខ។
គួរឲ្យដឹងផងដែរថា យន្ដហោះប្រភេទខាងលើនេះត្រូវបានគេហៅឈ្មោះថា Dobbed វាជាសែស្រឡាយរបស់យន្ដហោះប្រភេទ Concorde បន្ទាប់ពីការផលិតយន្ដហោះ Mach 2 ។ អ្វីដែលកាន់តែពិសេសនោះ បើការផលិតយន្ដហោះប្រភេទនេះទទួលបានជោគជ័យវានឹងអាចហោះបានល្បឿនលឿនបំផុតពីទីក្រុងឡុងដ៍ទៅញូវយ៉កប្រើរយៈពេលតែជាង ៣ ម៉ោងប៉ុណ្ណោះ៕