ឥណ្ឌូនេស៊ី៖ កាលពីថ្ងៃទី១៤ ខែធ្នូ ឆ្នាំ២០១៩កន្លងទៅនេះ បងប្អូនស្រីពីរនាក់បាននាំគ្នាងូតទឹក ខណៈពេលពេលកំពុងធ្វើដំណើរតាមដងផ្លូវក្នុងខេត្ត East Java។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមវីដេអូបានបង្ហាញឲ្យឃើញថា នារីដែលជាអ្នកកាន់ចង្កូតម៉ូតូ បានប្រើដៃម្ខាងកក់សក់ ចំណែកឯនារីខាងក្រោយវិញ ដួសទឹកពីធុងដែលដាក់នៅចន្លោះកែប ជួយលាងជម្រះសាប៊ូឲ្យ។ ពួកគេទាំងពីរបានចាក់ទឹកលាងជម្រះខ្លួន ធ្វើឲ្យដងផ្លូវមានសភាពសើមនិងបង្កការរំខានដល់ចរាចរណ៍។
ក្រោយពីវីដេអូបង្ហោះទៅលើបណ្ដាញសង្គមរួចមក ប៉ូលិសអាចកំណត់ភិនភាគនិងស្លាកលេខម៉ូតូបានយ៉ាងច្បាស់។ លុះមកដល់ថ្ងៃទី១៦ ខែធ្នូកន្លងទៅនេះ ពួកគេទាំងពីរត្រូវបានប៉ូលិសនាំខ្លួនចូលធ្វើសន្និសីទសារព័ត៌មាននៅទីស្នាក់ការប៉ូលិស ហើយថតវីដេអូសុំទោសជាសាធារណៈនិងផ្ដាំផ្ញើទៅកាន់មហាជនដទៃទៀតកុំឲ្យយកគំរូតាម។
បន្ទាប់មកទៀត នាង Icha ក៏បានបង្ហោះសារមួយទៅលើគណនីបណ្ដាញសង្គមអ៊ិនស្ដាក្រាមផ្ទាល់របស់នាង ដោយសរសេរថា៖
ជុំវិញរឿងរ៉ាវខាងលើនេះ នារីទាំងពីរនាក់ត្រូវបានប៉ូលិសផាកពិន័យជាទឹកប្រាក់ចំនួន៣៦៧,០០០រ៉ូពី (ប្រមាណ២៦ដុល្លារអាមេរិក)៕
សូមទស្សនារូបភាពនិងវីដេអូខាងក្រោម៖