ប៉ៃលិន៖ អាចនិយាយបានថាជារឿងកក្រើកខ្លាំង នៅរាត្រីថ្ងៃទី១៨ ខែធ្នូ ឆ្នាំ២០១៩ ដោយបុរសម្នាក់ ឈ្មោះ ង៉ែត លីទី ដែលពេលនេះ ត្រូវបានគេដឹងថា ជាកីឡាករ បានវាយ តារាចម្រៀងប្រុស ប្រចាំផលិតកម្ម សាន់ដេ នាយ ចឺម ឡើងបែកក្បាល ត្រូវការដេរអស់៥ថ្នេរ របួសដៃសងខាង និងទូរស័ព្ទបែកខ្ទេច មើលលែងយល់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើទោះបីជាមានដំណឹងបែបនេះក៏ដោយ ក៏មានមហាជន នៅតែគិតថា ជាការថតវីដេអូចម្រៀង ព្រោះថា កាលពីថ្ងៃអាទិត្យកន្លងទៅ នាយចឺម បានបង្ហោះថាចម្រៀងរបស់លោក បែបជាអត្ថន័យពាក់ព័ន្ធនឹង សង្សារគេនឹងចេញឆាប់ៗ។ ដូច្នេះទើបធ្វើឲ្យ គ្រប់គ្នា គិតថា គ្រាន់តែ ការថតវីដេអូចម្រៀងតែប៉ុណ្ណោះ ដើម្បីចង់ឲ្យផ្ទុះ មុនពេលចេញផ្សាយ។
ប៉ុន្តែក៏មានភស្តុតាងមួយចំនួន ក៏អាចបញ្ជាក់បានថាវាជាការពិតផងដែរ ដោយសារតែ កាលពីម្សិលមិញ លោកពិតជាទៅច្រៀង នៅខេត្តប៉ៃលិនពិតមែន។ ហើយជាពិសេស ក៏មានរូបថត ត្រូវគេថតបាន ពេលលោកទៅរកប៉ូលីស ដើម្បីប្រាប់ពីព័ត៌មានលម្អិតផងដែរ ជាមួយនឹងទឹកមុខស្រងូតស្រងាត់ និងភិតភ័យយ៉ាងខ្លាំង។ អ្វីដែលកាន់តែចាប់អារម្មណ៍ ក៏មានបងប្អូននៅក្នុងខេត្ត ប៉ៃលិន បានឃើញ និងនិយាយថាវាជារឿងពិតប្រាកដមែន ដែលនាយចឺម ត្រូវគេវាយយ៉ាងធ្ងន់ធ្ងរបំផុត។
យ៉ាងណាមិញ ខណៈពេលនេះ វាស្ថិតក្នុងស្ថានការណ៍ ស្រពិចស្រពិលខ្លាំង ដោយសារតែកើតឡើងលើតារា តែក៏អាចនិយាយបានថា ភស្តុតាងខាងលើ ក៏អាចបញ្ជាក់បានថា ជារឿងពិត ៩០ភាគរយដែរ។ សង្ឃឹមថា នាយចឺម នឹងចេញមុខបកស្រាយ នូវរឿងរ៉ាវទាំងអស់នេះ ក្នុងពេលឆាប់ៗ៕