ម៉ាឡេស៊ី៖ សង្កេតឃើញថា បច្ចុប្បន្ននេះស្ត្រីមួយចំនួនបានឲ្យតម្លៃយ៉ាងខ្លាំងទៅលើបុរសសាច់ដុំពោះ៦កង់ ប៉ុន្ដែការស្ទង់មតិមួយបានបង្ហាញថា ស្ត្រីភាគច្រើនគិតថាបុរសរាងធាត់ គួរឲ្យចាប់អារម្មណ៍ និងមានភាពទាក់ទាញជាងបុរសសាច់ដុំពោះ៦កង់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមហ៊ុនផ្ដល់សេវាកម្មហាត់ប្រាណ Planet Fitness បានបើកការស្ទង់មតិអនឡាញមួយចំពោះស្ត្រីចំនួន ២,០០០នាក់ ហើយលទ្ធផលបានបង្ហាញថា ៧០ភាគរយនៃស្ត្រីទាំងនោះចាប់អារម្មណ៍បុរសដែលមានទម្ងន់លើសស្ដង់ដារ១០គីឡូក្រាម។ មិនត្រឹមតែប៉ុណ្ណោះ ៧៨ភាគរយនៃស្ត្រីទាំងនោះ គិតថាបុរសដែលមានរាងធាត់មើលទៅគួរឲ្យមានទំនុកចិត្តខ្ពស់ ចំណែក៨០ភាគរយផ្សេងទៀត ពួកនាងមានមោទកភាពរៀបការជាមួយបុរសដែលមានរាងធាត់។
ការសិក្សាមួយបានឲ្យដឹងដែរថា បុរសដែលមានរាងធាត់ចូលចិត្តស្លៀកសំលៀកបំពាក់បែបរលុងគឺជាចំនុចដ៏ល្អមួយសម្រាប់បង្កើនមេជីវិតឈ្មោលក្នុងរាងកាយ ហើយមានភាពងាយស្រួលដល់ការបង្កកំណើតកូន។ ចំណែកឯ ៤៧នៃចំនួនស្ត្រីចូលរួមស្ទង់មតិ ជឿជាក់ថារាងធាត់ដុះក្បាលពោះបន្ដិចនឹងក្លាយទៅជារាងដែលគ្រប់គ្នាចាប់អារម្មណ៍ដូចនឹងរាងសាច់ដុំពោះ៦កង់ដែរ៕
សូមទស្សនារូបភាពខាងក្រោម៖