កូនប្រុសរបស់សុគន្ធកញ្ញា កាន់តែដូចប៉ាៗ បេះដាក់ហើយ ក្រោយពីដាក់រូបទន្ទឹមគ្នា

ភ្នំពេញ៖ ពិតណាស់ថា តាំងពីកំពូលតារាចម្រៀងស្រី លំដាប់កំពូល អ្នកនាង ឱក សុគន្ធកញ្ញា បានរៀបការ និងទទួលបានគ្រាប់ពេជ្រដំបូង ជាកូនប្រុសរួចមក បានទាញយកការចាប់អារម្មណ៍ពីសំណាក់អ្នកគាំទ្រ ឲ្យតាមដានពីជីវិតប្រចាំថ្ងៃ កាន់តែខ្លាំងឡើង។

ដោយឡែក បើងាកមើលកូនប្រុសរបស់ តារាស្រីរូបនេះវិញ មានអាយុ១ខែហើយ ដោយទើបតែប្រារព្ធពិធីចេញខែ កាលពីពេលថ្មីៗនេះផងដែរ។ ជាពិសេស គេឃើញថា កូនប្រុសដំបូងរបស់នាង ពិតជាកាន់តែមានមុខមាត់ស្រស់ស្អាត ហើយគួរក្នាញ់ អមដោយស្នាមថ្ពាល់ខួច ច្បាស់ក្រឡែតតែម្ដង។

លើសពីនេះ កាលពីប៉ុន្មានម៉ោងមុននេះ ស្វាមីរបស់ ឱក សុគន្ធកញ្ញា បានបង្ហោះរូបភាពមួយសន្លឹក ក្នុងបណ្ដាញសង្គម ដោយដាក់រូបថតរបស់កូនប្រុសទន្ទឹមនឹងរូបលោក មើលទៅកាន់តែដូចគ្នាបេះបិទ គ្មានខុសអ្វីបន្តិចទេ។

ដោយឡែក គ្រាន់តែឃើញបែបនេះភ្លាម មានហ្វេនៗជាច្រើនបានចុចLike និងបញ្ចេញមតិសរសើរដល់ មុខមាត់ក្មេងតូចនោះគ្រប់គ្នា៕

ចង់ជ្រាបច្បាស់ ទស្សនារូបភាពខាងក្រោម៖