បើកើតទឹកនោមផ្អែម ហើយស្វែករកការព្យាបាលដោយឱសថបុរាណ ប្រៀបនឹងសម្លាប់អ្នកជំងឺ នេះបើតាមការលើកឡើងរបស់លោកសាស្ត្រាចារ្យមហាបរិញ្ញា សេង សេរី ឯកទេសជំងឺទឹកនោមផ្អែម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកសាស្ត្រាចារ្យវេជ្ជបណ្ឌិតបង្រៀននៅសាកលវិទ្យាល័យវិទ្យាសាស្ត្រសុខាភិបាលរូបនេះ បន្តថា អ្នកជំងឺទឹកនោមផ្អែម ដែលធ្លាក់ខ្លួនធ្ងន់ធ្ងរ ដោយសារតែខ្វះការព្យាបាលត្រឹមត្រូវតាមក្បូនពេទ្យ ច្រើនជឿការផ្សព្វផ្សាយពីការព្យាបាលដោយថ្នាំបុរាណ។ ការជឿលើថ្នាំបុរាណ មិនត្រឹមតែធ្វើឲ្យជំងឺកាន់តែធ្ងន់ធ្ងរនោះទេ គឺខាតបង់ទាំងពេលវេលា ចំណាយលុយកាក់ច្រើន ហើយធ្លាក់ខ្លួនពិការទៀត។
ផ្ទុយមកវិញលោកវេជ្ជបណ្ឌិតថា បើអ្នកជំងឺទឹកនោមផ្អែមដែលទទួលបានការព្យាបាលត្រឹមត្រូវ ជាមួយគ្រូពេទ្យជំនាញ អាចរស់បានយូរដូចមនុស្សធម្មតា អាយុអាចដល់ ៧០-៨០ឆ្នាំ ធ្វើកិច្ចការងារអ្វីក៏បាន។ ចំពោះអ្នកដែលមានជំងឺទឹកនោមផ្អែម ហើយមានដំបៅជើង ត្រូវកាត់ជើងចោល ភាគច្រើនអ្នកជំងឺទទួលការព្យាបាលមិនបានត្រឹមត្រូវដូចគ្នា។
ជាដំបូន្មានសម្រាប់អ្នកជំងឺទឹកនោមផ្អែមលោកវេជ្ជបណ្ឌិត សេង សេរី ថា អ្នកជំងឺត្រូវព្យាបាលឲ្យបានជាប់លាប់ តាមដានកម្រិតជាតិស្ករក្នុងឈាមឲ្យបានត្រឹមត្រូវ ឧស្សហ៍ជួបពិគ្រោះជាមួយគ្រូពេទ្យ ចំណែកចំណីចំណុក ត្រូវចៀសវាងពពួកអាហារណាផ្អែមខ្លាំង។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet