កុងហ្គោ៖ អង្គការការពារសិទ្ធិមនុស្សអន្តរជាតិដែលតំណាងឲ្យគ្រួសារចំនួន១៤ក្នុងប្រទេសកុង ហ្គោបានធ្វើការចោទប្រកាន់ក្រុមហ៊ុនបច្ចេកវិទ្យាល្បីៗដូចជា Apple, Google, Tesla និង Microsoft ពីបទកេងប្រវ័ញ្ចកម្លាំងពលកម្មកុមារ។ សាធារណរដ្ឋប្រជាធិបតេយ្យកុងហ្គោគឺល្បីខាងការផ្គត់ផ្គង់វត្ថុធាតុរ៉ែដូចជាកូបាល់ដើម្បីយកទៅផលិតជាគ្រឿងសម្រាប់ផ្គត់ផ្គង់ថាមពលដល់ឧបករណ៍អេឡិចត្រូនិចផ្សេងៗ ហើយការជីកយកលោហៈធាតុទាំងនេះគឺមានការពាក់ព័ន្ធជាមួយនឹងពលកម្មកុមារ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរ៉ែទាំងនេះត្រូវបានគេយកទៅផលិតជាថ្មលីចូមសម្រាប់ប្រើប្រាស់ជាមួយកុំព្យូទ័រយួរដៃ ស្មាតហ្វូន និងរថយន្តអគ្គិសនីជាដើម។ ទោះជាយ៉ាងណាដំណើរការនៃការទាញយករ៉ែមានជាប់ទាក់ទងជាមួយនឹងអំពើខុសច្បាប់ផ្សេងៗដូចជាការរំលោភសិទ្ធិមនុស្សនិងអំពើពុករលួយ។ គ្រួសារដែលរងគ្រោះដោយសារបញ្ហានេះបានអះអាងថាកូនៗរបស់ពួកគាត់បានរងរបួស និងអ្នកខ្លះទៀតបានស្លាប់នៅកំឡុងពេលបំពេញការងារដូចជាការបាក់ដីសង្កត់ជាដើម។
ក្នុងពាក្យបណ្ដឹងបានបញ្ជាក់ថាក្មេងៗមួយចំនួនក្នុងគ្រួសារក្រីក្រ និងខ្លះមានអាយុត្រឹម៦ឆ្នាំត្រូវបានបង្ខំឲ្យបោះបង់ការសិក្សាដើម្បីទៅជីករ៉ែដើម្បីស្វែងរកធាតុកូបាល់ឲ្យក្រុមហ៊ុនបច្ចេកវិទ្យា។ ក្រុមគ្រួសារកុងហ្គោទាំង១៤ចង់ឲ្យក្រុមហ៊ុនទាំងនោះផ្ដល់សំណងដល់ពួកគាត់ដោយសារការបង្ខំឲ្យធ្វើការងារ ការប៉ះពាល់អារម្មណ៍ផ្លូវចិត្ត និងការត្រួតពិនិ្យបច្ចេកទេសមានភាពធ្វេសប្រហែសរបស់ក្រុមការងារ៕