ភាពរីកចម្រើនជាតម្លៃមួយដែលកើតឡើងពីការខិតខំប្រឹងប្រែងទម្រាំឈានដល់ដំណាក់កាលមួយដែលទទួលស្គាល់ថា យើងបានជោគជ័យហើយ។ ប៉ុន្តែយើងត្រូវចងចាំថា ជីវិតគឺពិតជាស្មុគស្មាញ។ អ្នកខ្លះថា ជណ្តើរទៅកាន់ជោគជ័យ ដូចសំបុកពីងពាង ដែលត្រូវការសិក្សាពីកត្តាដែលជោគជ័យទាំងនោះ តែអ្នកខ្លះថាមិនដូចទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកត្តាដែលធ្វើឲ្យជីវិតអ្នកជោគជ័យនោះមាន៖
១. កែលម្អខ្លួនឯង
កំហុសម្តងអាចលើកលែងបាន ប៉ុន្តែកំហុសដដែលៗម្តងហើយម្តងទៀតទើបជាកំហុសធំបំផុត។ បើយើងដឹងថាយើងមានកំហុសហើយ តែយើងនៅតែប្រព្រឹត្តិ ដែលវាកាន់តែធ្វើឲ្យមានភាពស្មុគស្មាញ និងកាន់តែបង្កើតកំហុសដ៏ធំបំផុតនៅក្នុងជីវិត។ អ្នកគួរតែប្រុងប្រយ័ត្នដើម្បីកុំឲ្យមានកំហុសនោះកើតឡើងម្តងទៀត និងគួរចេះរកវិធីដោះស្រាយផងដែរ។
២. មានមូលដ្ឋានរឹងមាំ
ភាពរឹងមាំ គឺជាកត្តាចាំបាច់បំផុត ប្រសិនបើគ្រឹះរបស់អ្នកមិនរឹងមាំគ្រប់គ្រាន់នោះទេ អ្នកមិនអាចដើរទៅមុខបានទេ។ ដើម្បីពង្រឹងមូលដ្ឋានរបស់អ្នក គឺអ្នកត្រូវរកមូលដ្ឋានគ្រឹះដ៏រឹងមាំរបស់អ្នកជាមុនសិនដើម្បីឈានរកភាពជោគជ័យ។ ឧទាហរណ៍៖ ចង់កា្លយជាអ្នកថតរូបអាជីព អ្នកត្រូវសិក្សាពីជំនាញបែបនោះឲ្យច្រើនទើបគេទទួលស្គាល់ ព្រោះបើមានតែកាម៉េរាមួយ ហើយថតនោះ អ្នកមិនមែនអ្នកអាជីពទេ។
៣. ត្រូវពឹងផ្អែកលើការខិតខំប្រឹងប្រែងដោយខ្លួនឯង ជាជាងពឹងលើសំណាង
ការខិតខំប្រឹងប្រែងដោយខ្លួនឯងគឺសំខាន់បំផុត ហើយសំណាងគឺជាភាពចៃដន្យមួយចំនួនដែលអាចពេញចិត្តឬប្រឆាំងនឹងយើង។ យើងអាចផ្លាស់ប្តូរសំណាងដោយណែនាំនូវគុណសម្បត្តិល្អៗ នៅក្នុងខ្លួនយើងដូចជាភាពស្មោះត្រង់ជាដើម។
៤. ចក្ខុវិស័យ
ចក្ខុវិស័យមានន័យថាជាគំនិត ដែលត្រូវបានបង្កើតឡើងដោយការស្រមើស្រមៃ។ នៅពេលណាដែលយើងត្រូវបានគេសួរអំពីចក្ខុវិស័យនៃជីវិតរបស់យើង ពេលនោះចម្លើយរបស់យើងគឺច្បាស់ណាស់ថាយើងចង់បានជីវិតប្រកបដោយសន្តិភាព ស្រស់បំព្រងរីករាយ និងជោគជ័យ។ ចក្ខុវិស័យរបស់យើងគួរតែមានប្រយោជន៍ដល់អ្នកដទៃ និងធ្វើឱ្យជីវភាពរស់នៅរបស់ពួកគេប្រសើរឡើងតាមរយៈការណែនាំគំនិតថ្មីៗនិងការអនុវត្តរបស់ពួកគេ។
៥. ការតស៊ូ
ជីវិតគឺដូចជាអាគារដ៏ធំមួយដែលមានចំនួនជាន់គ្មានដែនកំណត់។ យើងចាត់ទុកការឡើងជណ្តើរជាការតស៊ូដំបូង។ វាជាទិសដៅដែលអនុញ្ញាតឱ្យយើងបានរៀនពីជីវិត និងការជំនះឧបសគ្គ។ នេះគឺជាហេតុការណ៍ជាក់ស្តែងដែលយើងគួរទទួលយកនៅពេលដំបូងដែលអាចធ្វើទៅបាន និងអភិវឌ្ឍឥរិយាបថរបស់យើង៕