ម៉ាឡេស៊ី៖ ប្ដីប្រពន្ធសញ្ជាតិម៉ាឡេស៊ីពីរនាក់ លោក Mat Tohid Abdul Kadir អាយុ ៣៨ ឆ្នាំនិងប្រពន្ធរបស់គាត់គឺអ្នកស្រី Nur Razlin Ramli អាយុ ៣៣ ឆ្នាំ បានបើករបរសាមញ្ញលក់មាន់ចៀនតាមចិញ្ចើមថ្នល់មួយដែលទទួលបានចំណូលខ្ទង់ពាន់ដុល្លារជារៀងរាល់ថ្ងៃ។ យោងតាមបទសម្ភាសន៍ខ្លីមួយ ពួកគាត់ថាអាចលក់សាច់មាន់បានចាប់ពី ៧០ ទៅ ៨០ ដុំក្នុងមួយថ្ងៃ ហើយយូរៗម្ដងពួកគាត់អាចលក់បានដល់ ១០០ ដុំក្នុងមួយថ្ងៃក៏មាន ដែលជាហេតុនាំឲ្យពួកគាត់អាចរកចំណួលបានខ្ទង់ ១៥,០០០ រូពី (៣,៦០០ដុល្លារ)។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទោះជាយ៉ាងណាក៏ដោយចំនួននេះវាអាស្រ័យលើរដូវកាលដែរ យើងមិនអាចទទួលបានប្រាក់ចំណេញបែបនេះគ្រប់ពេលនោះទេ។ យើងទាំងអស់គ្នាគិតថាប្រាក់ចំនួន ១៥,០០០ រូពីគឺជាចំនួនដ៏ច្រើនប៉ុន្តែបន្ទាប់ពីកាត់ថ្លៃដើមរួច មិនស្ថេរភាពជារៀងរាល់ថ្ងៃទេ យើងអាចចំណេញប្រាក់សុទ្ធចាប់ពី ៥០០ ទៅ ៧០០ រូពី ក្នុង ១ ថ្ងៃប៉ុណ្ណោះ។
ចំពោះអ្នកដែលមកទិញអាចដើរទៅជ្រើសរើសយកសាច់មាន់ណាដែលពួកគេចង់បានដោយខ្លួនឯង ហើយឈរតម្រង់ជួរយ៉ាងសមញ្ញ។ ថ្មីៗនេះលោក Tohid បានបើកតូបមាន់បំពងមួយទៀតនៅដាន់កូកូត ដោយពិចារណាពីបញ្ហាចំបងរបស់មនុស្សយើងនាពេលបច្ចុប្បន្ននេះគឺមានចំនួនអ្នកអត់ការងារធ្វើច្រើនណាស់។ ទន្ទឹមនឹងនេះ លោក Tohid ក៏បានលើកឡើងនូវប្រយោគមួយឃ្លាថា "កុំបន្ទាបតម្លៃការងាររបស់អ្នកលក់តាមចិញ្ចើមថ្នល់ ប្រសិនបើវាជារឿងតែមួយគត់ដែលអ្នកអាចធ្វើបាន"។
គួររម្លឹកផងដែរថា ចាប់តាំងពីការចាប់ផ្តើមអាជីវកម្មនៅឆ្នាំ ២០១៧ លោក Tohid បានប្រឈមបញ្ហាជាច្រើនដែលពួកគាត់ត្រូវឆ្លងកាត់ ដើម្បីធានាបាននូវភាពជោគជ័យមកទល់ពេលបច្ចុប្បន្ននេះ៕