អាហ្វ្រិក៖ ខ្សែវីដេអូមួយបានបង្ហាញពីអ្នកល្បាតកំពុងថតរូបសត្វព្រៃ ដែលខ្លួនគាត់ផ្ទាល់បានជំពប់ជាមួយខ្លារខិន។ លោក Dillon Nelson បាននិងកំពុងថតមេខ្លារខិននិងកូនតូចរបស់វា ខណៈពេលដែលកូនខ្លារខិនមួយក្បាលនេះបានដើរមកជិតគាត់។ យោងតាមសារព័ត៌មាន Daily Mail បានអោយដឹងថា ឧប្បត្តិហេតុនេះបានកើតឡើងនៅឯតំបន់អភិរក្សធម្មជាតិ Sabi Sands ប្រទេសអាហ្វ្រិកខាងត្បូង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងវីដេអូនេះផងដែរ គេប្រទះឃើញកូនខ្លារខិនញីអាយុ ១០ ខែបានដើរចុះពីលើទីទួល ហើយដើរមកជិតជើងរបស់លោក Nelson ។ អ្នកថតរូបអាយុ ២៥ ឆ្នាំឈរនៅស្ងៀមមួយកន្លែងជាមួយនឹងភាពភ័យខ្លាច ខណៈដែលខ្លារខិនបានដើរសំដៅមករកគាត់ជាមួយចង្កូមស្រួចៗនឹងក្រញាំរបស់វា។
យោងតាមសារព័ត៌មាន Metro News លោក Nelson បាននិយាយថា “ខ្ញុំធ្វើការនៅតំបន់នោះជាអ្នកល្បាតឬមគ្គុទេស៍នាំភ្ញៀវដើរមើលក្នុងតំបន់អភិរក្សធម្មជាតិ ហើយយើងបានដើរតាមរកខ្លារខិនញីមួយក្បាលជាមួយនឹងកូនរបស់វាអាយុ ១០ខែនៅពេលវាដើរឆ្លងកាត់ព្រៃក្រាស់។
លោក Nelson បាននិយាយថា ក្នុងកំឡុងពេលជួបប្រទះនេះ “គាត់ពិតជាមានអារម្មណ៍សប្បាយចិត្ត ហើយក៏ភ័យខ្លាំងណាស់ដែរ” ៕