ខឹងប្ដីពូកែចេញទៅក្រៅរាល់យប់ពេក ស្រ្តីមា្នក់បានសង់តៀមស្រាយ៉ាងស្រស់ស្អាតមួយ នៅក្នុងសួនច្បារខាងក្រោយផ្ទះ(មានវីដេអូ)

អាមេរិក៖ ស្ត្រីជនជាតិអាមេរិកម្នាក់មានអាយុ ៤៥ ឆ្នាំ ឈ្មោះថា Jayne បានធ្វើរឿងមួយដ៏ភ្ញាក់ផ្អើលដល់ប្ដីនាង ដោយបានសង់តៀមស្រាមួយយ៉ាងស្រស់ស្អាត ដើម្បីកុំឲ្យប្ដីគាត់ពូកែចេញទៅខាងក្រៅហើយទុកឲ្យគាត់នៅម្នាក់ឯងពេក។

លោក Paul Tapper ជាវិស្វករមក Newton Abbot ដែលឧស្សាហ៍ចេញទៅដើរលេងនៅខាងក្រៅក្បែរៗតំបន់ដែលគាត់រស់នៅជាញឹកញាប់ បានធ្វើឲ្យប្រពន្ធរបស់គាត់មិនសប្បាយចិត្តនឹងទង្វើមួយនេះឡើយ។ ទីបំផុត​ ស្ត្រីដែលជាប្រពន្ធក៏បានសម្រេចចិត្តសង់តៀមស្រាផ្ទាល់ខ្លួនមួយនៅកណ្ដាលសួនច្បារខាងក្រោយផ្ទះដោយដាក់ឈ្មោះថា The Doghouse Inn ក្នុងគោលបំណងកុំអោយប្ដីលួចទៅផឹកនៅខាងក្រៅ។

តាមការឲ្យដឹងពីស្ត្រីខាងលើបាននិយាយថា នាងបានចំណាយលុយយ៉ាងច្រើនគួរសមដែរ ក្នុងកាសង់វាឲ្យចេញជារូបរាងឡើង។ នាងបានចំណាយលើការសាងសង់សួនច្បារអស់ ១៥០០០ ផោន (២០,០៨៧ ដុល្លារ) មុនពេលដែលនាងសាងសង់តៀមស្រារអស់ក្នុងតម្លៃ ២៧០០ ផោន (៣៦១៥ ដុល្លារ) និងរួមទាំងការតុបតែង ក៏ដូចជាការដំឡើងប្រព័នអ៊ីនធឺណិត។ ប៉ុន្តែនាងមិនអាចបន្តទប់ទល់ជាមួយការចំណាយ ១០០ ផោន (១៣៣ ដុល្លារ)ក្នុងការដាក់កៅអីបន្ថែមទៀតទេ។

Jayne ដែលជាប្រពន្ធក៏បានប្រាប់ឲ្យដឹងផងដែរថា ពេលនេះប្ដីរបស់គាត់ពិតជារីករាយខ្លាំងណាស់ និងកូនៗរបស់គាត់ទាំងបី Tom ,Lorren ​និង Jack ក៏បានលើកឡើងថាការធ្វើបែបនេះពិតជាសន្សំលុយបានច្រើនណាស់ ក្នុងការទិញស្រា ឬក៏ចេញទៅខាងក្រៅ។ Janyne ក៏បានបន្ថែមថា៖

សូមទស្សនាវីដេអូខាងក្រោម៖