អូស្រ្តាលី៖ ការធ្វើច្រើនដងហើយ នៅតែមិនបានជោគជ័យមិនមែនជារឿងដែលយើងត្រូវបោះបង់នោះទេ។ ជាក់ស្ដែង ក្មេងស្រីជំទង់សញ្ជតិអូស្ត្រាលី ម្នាក់បានប្រើវិធីដែលគួរឲ្យអស់សំណើចនិងប្រហែលជាមិនធ្លាប់មាននរណាធ្លាប់ធ្វើពីមុនមកដូចនាង Kayla ទេ ដែលបានសរសេប្រវត្តិរូបសង្ខេប ឬ CV និងលិខិត Cover Letter ដើម្បីបង្ហាញពីការតាំងចិត្ត ក៏ដូចជាទំនួលខុសត្រូវរបស់នាងដើម្បីចិញ្ចឹមឆ្កែមួយក្បាល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះនារីវ័យក្មេងអាយុ ១៨ឆ្នាំខាងលើបានសរសេរពាក្យមួយចំនួនដែលមានខ្លឹមសារថា៖
“ វាគួរតែដល់ពេលដែលខ្ញុំត្រូវមានឆ្កែមួយក្បាលសម្រាប់ចិញ្ចឹមផ្ទាល់ខ្លួនហើយ ព្រោះខ្ញុំមានប្រាក់ចំណូលគ្រប់គ្រាន់សម្រាប់ទិញអាហារ និងចេះស្រលាញ់ថ្នាក់ថ្នមឆ្កែតូចនោះបានល្អ” ។
Kayla បានឲ្យដឹងថា នៅពេលម្ដាយនាងត្រឡប់មកដល់ផ្ទះវិញ ឃើញកូនឆ្កែនៅក្នុងបន្ទប់ គាត់មានការភ្ញាក់ផ្អើលហើយបានចាប់ផ្ដើមសើច ហើយ Kayla បានព្យាយាមពន្យល់ម្ដាយ និងស្នើសុំឲ្យគាត់ទទួលយកអ្វីដែលនាងបានធ្វើ។
ជាចុងក្រោយ Kayla បានលើកឡើងផងដែរថា មុនដំបូងនាងក៏មិនរំពឹងថាវិធីសាស្រ្តមួយនេះជោគជ័យទេ ហើយនាងក៏ណែនាំដល់អ្នកទាំងឡាយណាដែលចង់បានឆ្កែមកចិញ្ចឹមដូចនាងអាចសាកល្បងវិធីមួយនេះបាន៕
Bong I.T