សិង្ហបុរី៖ ស្ត្រីម្នាក់រស់នៅក្នុងទីប្រជុំជន Yishun បានចងព្យួរសត្វបក្សីរស់មួយក្បាលក្បែរបង្អួចដែលធ្វើឲ្យអ្នកជិតខាងមួយចំនួនមិនពេញចិត្តយ៉ាងខ្លាំង និងឈានដល់ចេញផ្សាយជាព័ត៌មានទៀតផង។ កូនប្រុសរបស់គាត់មានការភ្ញាក់ផ្អើលជាខ្លាំងនៅពេលបានដឹងអំពីរឿងនេះ ហើយក៏ចេញមុខសុំទោសជំនួសម្ដាយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកូនប្រុសវ័យ៣០ឆ្នាំ (មិនបញ្ចេញអត្តសញ្ញាណ) បានឲ្យដឹងដែរថា ម្ដាយរបស់គាត់ធ្វើបែបនេះ ព្រោះតែចង់ឲ្យសត្វបក្សីដដៃទៀតខ្លាចនិងមិនហ៊ានហើរចូលផ្ទះ។ ជារៀងរាល់លើក សត្វបក្សីតែងតែហើរចូលទៅក្នុងផ្ទះបាយ និងជុះពាសពេញឥដ្ឋ ហើយមានសំឡេងរំខានទៀតផង។ ម្ដាយរបស់គាត់ព្យាយាមបិទបង្អួចដែរ ប៉ុន្ដែវាធ្វើឲ្យបរិយាកាសក្នុងផ្ទះក្ដៅនិងហប់ខ្លាំងពេក។
អាជ្ញាធរក្នុងតំបន់បានចាត់វិធានការភ្លាមៗ ដោយចុះទៅដល់ទីតាំងផ្ទាល់ ហើយស្ត្រីនោះបានដោះលែងសត្វបក្សីតាមការស្នើសុំ និងសន្យាថានឹងមិនធ្វើទង្វើបែបនេះម្ដងទៀតឡើយ។
ជាក់ស្តែង ប្រជាជនមួយចំនួនដែលរស់នៅក្នុងតំបន់នោះ បានត្អូញត្អែរអំពីបញ្ហានេះដូចគ្នា។ ពួកគេបានរាយការណ៍ទៅកាន់អាជ្ញាធរដើម្បីជួយដោះស្រាយ ប៉ុន្ដែត្រូវបានណែនាំឲ្យដំឡើងសំណាញ់ការពារសត្វបក្សីមិនឲ្យចូលក្នុងផ្ទះ៕
សូមទស្សនារូបភាពនិងវីដេអូខាងក្រោម៖