អ្នកសារព័ត៌មានស្រីម្នាក់ ត្រូវអ្នកអានជេរផ្អើល លុះពេលបានឃើញរូបថតនាងពិត នាំគ្នាស្ងាត់មាត់រំសាយកំហឹងអស់

ចិន៖ ថ្មីៗនេះ នាង Xing Chengbo ជាអ្នកសារព័ត៌មានផ្នែកកីឡាបានធ្វើឲ្យមានកំហុសក្នុងការសរសេរអត្ថបទព័ត៌មាន ហើយត្រូវអ្នកអានជេរ ប៉ុន្ដែក្រោយពីបានឃើញរូបថតនាងពិតនៅក្រៅរួច ពួកគេនាំគ្នាស្ងាត់មាត់រំសាយកំហឹងអស់ទៅវិញ។

នៅក្នុងអត្ថបទព័ត៌មានមួយដែលចេញផ្សាយកាលពីថ្ងៃទី៩ ខែធ្នូ កន្លងទៅនេះ នាងបានសរសេរខុសឈ្មោះរបស់កីឡាករបាល់ទាត់ជម្រើសជាតិ១៥នាក់ក្នុងចំណោម២៣នាក់ ដែលចូលរួមព្រឹត្តិការណ៍បាល់ទាត់ EAFF E-1។ កំហុសរបស់នាងរួមមានដូចជា ការសរសេរឈ្មោះអ្នកចាំទី Liu Dianzuo ទៅជា Dianzhu និងសរសេរអក្សរចិនខុសទៅលើឈ្មោះ Feng Jin, Mei Fang, Jiang Zhipeng, Ji Xiang និងកីឡាករដទៃទៀត។ កំហុសទាំងនេះ ធ្វើឲ្យមានការភ្ញាក់ផ្អើលដល់មនុស្សជាច្រើន ព្រោះនាងធ្លាប់ជាអ្នករាយការណ៍នូវព្រឹត្តិការណ៍កីឡាល្បីៗដូចជា បាល់ទាត់ពិភពលោក ២០១៨ និង អាស៊ីហ្គេម ២០១៤ ដោយគ្មានកំហុសបច្ចេកទេសកើតឡើងឡើយ។

បន្ទាប់ពីអត្ថបទចេញផ្សាយរួចមក មានមហាជនជាច្រើនបានចូលទៅជេរប្រមាថនាងនៅលើបណ្ដាញសង្គម Weibo និងសើចចំអកឲ្យក្រុមហ៊ុនព័ត៌មានរបស់នាងទៀតផង។ ប៉ុន្ដែកំហឹងទាំងឡាយត្រូវបានរំសាយទៅវិញ បន្ទាប់ពីរូបថតរបស់នាងដែលបង្ហាញពីរូបរាងដ៏ស្រលូន ដោយស្លៀករ៉ូបខ្លីពណ៌ផ្កាឈូក បែកធ្លាយនៅលើបណ្ដាញសង្គម។

បើទោះបីជានាង Xing Chengbo ត្រូវបានលើកលែងទោសពីសំណាក់មហាជនក៏ដោយ ខាងក្រុមហ៊ុនព័ត៌មានរបស់នាង បានប្រកាសថានឹងផ្លាស់ប្ដូរតំណែងនាងទៅជាអ្នកសារព័ត៌មានហ្វឹកហាត់វិញ៕  

សូមទស្សនារូបភាពខាងក្រោម៖