ភ្នំពេញ៖ មួយរយៈពេលនេះឃើញថា តារាប្រុសលោក ជុំ លីណូ កាន់តែមានភាពមមាញឹកខ្លាំងឡើងនៅក្នុងការងារសិល្បៈ ទោះបីជាបច្ចុប្បន្ននេះមិនសូវជាមានបទចម្រៀងថ្មីចេញដូចមុនយ៉ាងណាក្តី តែលោកនៅតែមានប្រជាប្រិយភាពកាន់តែខ្លាំងឡើង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក អ្នកគាំទ្រជាច្រើនបាននាំគ្នាចាប់អារម្មណ៍ថា មកទល់នឹងពេលនេះ តារាប្រុសរូបនេះមិនសូវជាបង្ហាញពីទំនាកក់ទំនងបែបស្នេហា នៅលើបណ្តាញសង្គមដូចតារាដទៃនោះទេ មើលទៅហាក់ដូចជានៅ Single មិនទាន់មានគូយ៉ាងដូច្នោះ។
ក៏ប៉ុន្តែអ្វីដែលធ្វើឲ្យហ្វេនភ្ញាក់ផ្អើលខ្លាំង ក្រោយបានលេចធ្លាយរូបភាព និងវីដេអូមួយចំនួននៅក្នុងកម្មវិធី Tiktok ដែលតារាប្រុសរូបនេះ បាននាំអនាគតភរិយាជាទីស្រលាញ់ ថត Pre Wedding ដែលត្រៀមចូលរោងការក្នុងពេលឆាប់ៗខាងមុខនេះ ជាមួយនឹងកូនក្រមុំដ៏មានរូបឆោមស្រស់សោភា។
ជាមួយគ្នានេះដែរ បណ្តាអ្នកគាំទ្រជាច្រើនបាននាំគ្នាចូលរួមអបអរសាទរ ដល់លោកគ្រប់គ្នា ស្របពេលដែលមិនដែលបង្ហាញសោះពីរឿងស្នេហា តែពេលនេះស្រាប់តែត្រៀមចូលរោងការបែបនេះ៕
សូមទស្សនាវីដេអូ និងរូបភាពខាងក្រោមនេះ៖