ច្រើនលើស! កូនឆ្កែមានអាយុកាល ១៨០០០ឆ្នាំ រកឃើញនៅស៊ីបេរី

រាងកាយទាំងស្រុងរបស់កូនឆ្កែមួយក្បាល ត្រូវបានគេរកឃើញនៅស៊ីបេរី ប៉ុន្តែការធ្វើតេស្តឌីអិនអេមិនអាចកំណត់ពីពូជរបស់វាបានទេ។

កូនឆ្កែដែលមានអាយុកាល ១៨ ០០០ ឆ្នាំខាងលើត្រូវបាន អ្នកវិទ្យាសាស្ត្របញ្ជាក់ថាមិនអាចវិនិច្ឆ័យបាន ថាតើវាជាឆ្កែ រឺឆ្កែចចកនោះទេ។ ច្រមុះ ធ្មេញ និងរោមរបស់វានៅគ្រប់យ៉ាងគួរឱ្យកត់សម្គាល់ បើទោះបីជា រំលងរាប់ពាន់ឆ្នាំហើយក៏ដោយ។

អ្នកស្រាវជ្រាវ លោក Love Dalen បាននិយាយថាវាអាចជាសត្វឆ្កែចំណាស់ជាងគេបំផុតដែលត្រូវបានគេរកឃើញ។ ពេលមើលវាទៅ លោកមានអារម្មណ៍ថាវាដូចជា សត្វដែលងាប់ថ្មីៗ។

អាយុកាលនៃរាងកាយរបស់វាត្រូវបានកំណត់ដោយការវិភាគលើឆ្អឹងជំនី ប៉ុន្តែការធ្វើតេស្ត DNA មិនបានបញ្ជាក់ពីពូជរបស់វាទេ។ មានត្រឹមតែ DNA វាពិតជាពិបាកក្នុងការវិនិច្ឆ័យថា មួយណាជាឆ្កែ និងមួយណាជាឆ្កែចចក។​ ហើយរឿងនោះ ពិតជាមានភាពច្របូកច្របល់ ព្រោះការចិញ្ចឹមសត្វឆ្កែហាក់ដូចជាកើតឡើងរវាង ២០.០០០ ទៅ ៤០.០០០ ឆ្នាំមុន៕