មិនធ្លាប់មានទេ! ថៅកែចិត្តល្អចែកលុយ ១០ លានដុល្លារទៅឲ្យបុគ្គលិកចំនួន ១៩៨ នាក់ សម្រាប់ជាកាដូត្រៀមថ្ងៃដាច់ឆ្នាំ (មានវីដេអូ)

អាមេរិក៖ បុរសដែលរៀនចប់ផ្នែក វិស្វកម្មអគ្គិសនីពីសាកលវិទ្យាល័យម៉ារីលែន​ ឈ្មោះថា Edward St. John  អាយុ ៨១ ឆ្នាំដែលសព្វថ្ងៃជាម្ចាស់ក្រុមហ៊ុនអចលនទ្រព្យមួយ​ ដែលមានតម្លៃប្រមាណ ៣.៥ ពាន់លានដុល្លារ បានធ្វើពិធីជប់លៀងឲ្យបុគ្គលិក មុនថ្ងៃឆ្លងឆ្នាំកាលពីយប់ថ្ងៃសៅរ៍កន្លងទៅ ​និងចែកប្រាក់រង្វាន់ជាង ១០ លានដុល្លារសម្រាប់បុគ្គលិកចំនួន ១៩៨ នាក់ ដែលក្នុងម្នាក់ៗទទួលបាន ៥ ម៉ឺនដុល្លារជាមធ្យម ដើម្បីតបស្នងរាល់ការខិតខំប្រឹងប្រែងរបស់ពួកគេ។

ទន្ទឹមនឹងនេះ លោកក៏បានថ្លែងសារអរគុណនៅក្នុងពិធីទៅដល់បុគ្គលិកទាំងអស់គ្នាថា៖

យោងតាមសម្ដីបុគ្គលិកស្រីម្នាក់មានឈ្មោះថា  ដានីញែលវ៉ាលេនសៀ ផ្នែកគណនេយ្យដែលបានធ្វើការជាង ១៩ ឆ្នាំ  លើកឡើងថា លុយនេះនឹងកែប្រែជីវិតរបស់គាត់ ។

គួរឲ្យដឹងផងដែរថា ក្រុមហ៊ុនលោកបានបង្កើតឡើងតាំងពីឆ្នាំ ១៩៧១ មកម្ល៉េះ ហើយបានចាប់ផ្ដើមបើកដំបូងមានបុគ្គលិកធ្វើការចំនួនត្រឹមពីរនាក់ប៉ុណ្ណោះ រហូតដល់ក្លាយជាក្រុមហ៊ុនអភិវឌ្ឍន៍អចលនទ្រព្យដ៏ធំជាងគេនៅតំបន់ពាក់កណ្តាលអាត្លង់ទិកដែលមាននិយោជិករហូតទៅដល់ ១៩៨នាក់៕

សូមទស្សនាវីដេអូខាងក្រោម៖