អេស្ប៉ាញ៖ ខ្សែការពារស្លាបស្ដាំសញ្ជាតិអេស្ប៉ាញកីឡាករ Dani Carvajal បាននិយាយថា កីឡាករដែលមានសមត្ថភាពខ្ពស់ដូចជា Mbappe គួរតែទៅលេងជាមួយគាត់នៅឯ Real Madrid។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករ Kylian Mbappe គឺជាខ្សែបម្រើប្រយុទ្ធដ៏លេចធ្លោមួយរូបនារយៈពេល៤ឆ្នាំចុងក្រោយនេះ ដែលត្រឹមវ័យ២០ឆ្នាំរូបគេបានកសាងស្នាដៃជួយក្រុម និងជម្រើសជាតិឈ្នះពានរង្វាន់ធំៗជាច្រើនទៅហើយ ដូចជាកាលពីរដូវកាល ២០១៦/១៧ ធ្លាប់ជួយក្រុម Monaco លើកពានលីគកំពូលបារាំងបាន១ដង លុះផ្ទេរមកកាន់ក្រុម PSG ក្នុងឆ្នាំ២០១៨ បានជួយក្រុមមួយនេះឈ្នះពាន League 1 ២រដូវកាលជាប់គ្នាថែមទៀតផង។ មិនត្រឹមតែប៉ុណ្ណោះ សមិទ្ធផលធំបំផុតរបស់គាត់គឺបានជួយក្រុមជម្រើសជាតិបារាំងឈ្នះពានរង្វាន់បាល់ទាត់ពិភពលោកឆ្នាំ២០១៨។
តាមរយៈទម្រង់លេងដ៏គួរឲ្យភ្ញាក់ផ្អើលមួយនេះបានធ្វើឲ្យក្រុមធំៗជាច្រើននៅតំបន់អឺរ៉ុបចាប់អារម្មណ៍ចង់បានជាខ្លាំង ជាពិសេសក្លិបយក្សអេស្ប៉ាញ Real Madrid តែម្តង ហើយអ្នកចាត់ការទូទៅសញ្ជាតិបារាំងលោក Zinedine Zidane តែងតែកោតសរសើជារឿយៗទៅលើទេព្យកោសល្យរបស់កីឡាកររូបនេះ។
ចំពោះកីឡាករ Carvajal វិញក៏មានគំនិតមិនខុសពីលោក Zidane ប៉ុន្មានដែរ ដោយខ្សែការពាររូបនេះបាននិយាយក្រោយបញ្ចប់ការប្រកួតយកឈ្នះក្រុម Club Brugge ៣-១ ក្នុងព្រឹត្តិការណ៍ Champions League កាលពីថ្ងៃពុធថា៖
គួរបញ្ជាក់ផងដែរថា គិតត្រឹម១៦ប្រកួតក្នុងរដូវកាលនេះ Mbappe ស៊ុតបញ្ចូលទីបាន១៣គ្រាប់ និងបញ្ជូនបាល់ឲ្យមិត្តរួមក្រុមសម្រេចទីបាន៨ដង ៕
ប្រភព៖ beinsports