ស្រីៗពេលឈឺពោះសម្រាលពិបាកទ្រាំខ្លាំងណាស់ ប្រៀបបានការឆ្លងមហាសាគរដែលត្រូវប្រឈមនឹងគ្រោះថ្នាក់ តែបើបានរបស់ផ្អែម២យ៉ាងនេះ ពិតជាអាចកាត់បន្ថយអាការៈឈឺពោះបានមួយចំណែកធំ នេះបើតាមការអះអាងរបស់លោកស្រីវេជ្ជបណ្ឌិត ចាប់ ច័ន្ទធិតា អនុប្រធានមន្ទីរពេទ្យខេត្តកំពង់ចាម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. ភេសជ្ជៈផ្អែមៗ
ពេលឈឺពោះសម្រាលកូន គ្រូពេទ្យណែនាំឲ្យញ៉ាំទឹកឲ្យបានច្រើន ពិសេសពពួកភេសជ្ជៈផ្អែមៗ ដើម្បីជាជំនួយកម្លាំងដែលចុះខ្សោយដោយសារការឈឺពោះខ្លាំង។ ភេសជ្ជៈផ្អែមៗទាំងនោះរួមមានទឹកផ្លែឈើ ពិសេសទឹកសណ្តែក ទឹកត្រឡាច ទឹកដូង ហើយត្រូវចៀសវាងការញ៉ាំអាហាររឹងពេក ឬឆ្អែតពេក ព្រោះពេលឈឺពោះខ្លាំងទ្រាំមិនអាចបណ្តាលឲ្យក្អួត។
២. ពាក្យសម្តីផ្អែមៗ
យើងដឹងហើយឈឺពោះសម្រាលកូន ពិបាកទ្រាំ ធ្វើឲ្យស្រ្តីតានតឹងអារម្មណ៍ ម្យ៉ាងភ័យទៀតនេះ រឹតតែធ្វើឲ្យផ្លូវចិត្តស្ត្រីពពោះកាន់តែធ្លាក់ចុះ។ អ៊ីចឹងហើយវិធីល្អបំផុត មានតែការលើកទឹកចិត្តគ្នា ក្នុងគ្រាដ៏លំបាកនេះ ដោយការប្រើពាក្យសម្តីផ្អែមល្ហែម ចៀសវាងប្រើពាក្យគំរោះគំរើយ ស្តីបន្ទោស ឬបំភ័យ។ លោកស្រីវេជ្ជបណ្ឌិតថា ស្ត្រីឈឺពោះមិនត្រឹមតែត្រូវការពាក្យសម្តីផ្អែមល្ហែមពីក្រុមគ្រួសារ មិត្តភក្តិ ឬមនុស្សជុំវិញខ្លួនទេ សូម្បីតែពាក្យសម្តីរបស់គ្រូពេទ្យក៏ត្រូវផ្អែមដែរ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet