«ឆ្កែHuskyមួយក្បាល បានរុករានដុតផ្ទះម្ចាស់ខ្លួន បន្ទាប់ពីម្ចាស់រូបនោះទុកខ្លួនចោលឲ្យនៅផ្ទះម្នាក់ឯង។»
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដំបូងអ្នកពន្លត់អគ្គីភ័យបានឃើញផ្សែងនៅក្នុងផ្ទះបាយ ដោយប្រើកាមេរ៉ាភ្ជាប់ទៅនឹងទូរស័ព្ទរបស់គាត់។ ស្ថានីយពន្លត់អគ្គីភ័យ Geoff Wheal នៃ តំបន់Corringham បាននិយាយថា «ច្បាស់ណាស់នេះគឺជាឧប្បត្តិហេតុចំលែកមួយ ដែលឆ្កែជាដើមហេតុ»។
ក្រោយពីការស្រាវជ្រាវ ដើមហេតុនៃការឆាបឆេះ ត្រូវបានគេរកឃើញថាដោយសារឆ្កែនោះ បានកេះគៀវមីក្រូវ៉េវដែលមាននំនៅខាងក្នុង ខណៈម្ខាស់ទុកចោលនៅផ្ទះតែម្នាក់ឯង។
ដើមឡើយមាននំប៉័ងមួយកញ្ចប់នៅខាងក្នុងមីក្រូវ៉េវ តែក្រោយមកស្រាប់តែមានអណ្តាតភ្លើងឆាបឆេះ ចាប់ផ្តើមឡើងតែម្តង។
អ្នកពន្លត់អគ្គីភ័យរបស់ក្រុមហ៊ុន Essex បានវិនិច្ឆ័យថា មូលហេតុដែលមានការឆាបឆេះអាចបណ្តាលមកពីការបើកមីក្រូវ៉េវដោយចៃដន្យ។
ចុងក្រោយអ្នកពន្លត់អគ្គីភ័យ បានធានាថាការខូចខាតមិនរាលដាលដល់បរិវេនផ្ទះបាយទាំងមូលនោះទេ ប៉ុន្តែយ៉ាងណាលើកក្រោយ មិនគួរទុកអាហារនៅក្នុងមីក្រូវ៉េវឡើយ នៅពេលដែលមិនចាំបាច់។ យើងត្រូវរក្សាមីក្រូវ៉េវឲ្យនៅស្អាត និងមានសណ្តាប់ធ្នាប់ព្រោះថា ទាំងសត្វ ឬក្មេងៗអាចបើកវាបានយ៉ាងងាយ។ យ៉ាងណា ឆ្កែដែលរុករានដុតផ្ទះម្ខាស់ខ្លួនមិនមានគ្រោះថ្នាក់អ្វីឡើយ៕