អេស្ប៉ាញ៖ ខ្សែប្រយុទ្ធរបស់ Inter Milan កីឡាករ Lautaro Martinez ត្រូវបានគេរាយការណ៍មកថាអាចនឹងផ្លាស់មកចូលរួមជាមួយនឹង Barcelona បើសិនជា Lionel Messi ហៅរូបគេឲ្យមកចូលរួម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបច្ចុប្បន្ន Barcelona កំពុងស្វែងរកខ្សែប្រយុទ្ធថ្មីមកជំនួសតំណែងរបស់ខ្សែប្រយុទ្ធចាស់វស្សា Luis Suarez ខណៈ Lautaro Martinez គឺជាបេក្ខភាពទីមួយដែលមានភាគរយខ្ពស់អាចនឹងមកចូលរួមនៅកីឡដ្ឋាន Camp Nou ក្រោយចប់រដូវកាលនេះ។
ខ្សែប្រយុទ្ធជម្រើសជាតិអាហ្សង់ទីន Martinez នៅសល់កុងត្រាជាមួយក្លិបអ៊ីតាលី Inter Milan ដូច្នេះ Barcelona បានរៀបចំខ្លួនជាស្រេចក្នុងការជួបចរចាទិញផ្ដាច់កុងត្រាអមដោយតម្លៃនៃការផ្ទេរ ៩២.៥លានផោន។
បើតាមប្រភពពីសារព័ត៌មាន AS មិត្តរួមក្រុមជម្រើសជាតិរបស់ Messi កីឡាករ Martinez នឹងយល់ព្រមផ្លាស់មកក្លិបជើងឯក La Liga រដូវកាលមុន បើសិនជា Messi ទៅនិយាយជាមួយគេជុំវិញរឿងរ៉ាវផ្ទេរនេះ។
ប្រភពដដែលបានបន្តឲ្យដឹងទៀតថា ខ្សែប្រយុទ្ធវ័យ២២ឆ្នាំ Martinez ក៏មានក្ដីស្រមៃមកចូលរួមលេងជាមួយក្លិបមានមូលដ្ឋាននៅតំបន់កាតាឡាន់ Barcelona ដែរ៕
ប្រភព៖ SportsMole