ឮថា Lay កំពុងមានស្នេហាជាមួយYang Zi ក្រោយហ្វេនប្រមាញ់បាន រូបថតថើបគ្នាស្អិតរមួតកណ្តាលConcert?

ចិន៖ នាព្រឹកព្រលឹមថ្ងៃនេះ មានគណនី Blogger ម្នាក់បានធ្វើការបង្ហោះនូវរូបថតពីរសន្លឹក ដែលបានអះអាងថាជាតារាចម្រៀងប្រុស Lay សមាជិកក្រុម Exo ជាមួយនឹងតារាសម្តែងចិនស្រី Yang Zi និងថែមទាំងបានដាក់ជាសំណួរថែមទៀតផង។

ជាការពិតណាស់ តាមរយៈការបង្ហោះនោះ បណ្តាអ្នកនិយមលេងអ៊ីនធើណែតជាច្រើន បានឲ្យដឹងថា Lay និង Yang Zi បានថើបគ្នាយ៉ាងស្អិតរមួតនៅលើការប្រគំតន្រ្តីមួយកន្លែង រហូតធ្លាយការខ្សឹបខ្សៀវថា តារាទាំងពីរដួងនេះ កំពុងតែលួចលាក់ទាក់ទងស្រលាញ់គ្នា រីឯបណ្តាអ្នកគាំទ្រមួយចំនួនទៀត បានលើកឡើងថា Blogger អ្នកបង្ហោះរូបនោះ កុហកពួកគេក៏ថាបានដែរ ពីព្រោះក្នុងរូបថតនោះ មើលមិនច្បាស់ថាតារាស្រីរូបនោះ បានថើបគ្នាជាមួយនឹង Lay យ៉ាងពិតប្រាកដមែនឬយ៉ាងណានោះទេ។

ប៉ុន្តែទោះជាយ៉ាងណា ទន្ទឹមនឹងពាក្យចចាមអារ៉ាមកំពុងតែផ្ទុះកក្រើកមួយនេះ គេមិនទាន់បានឃើញខាងភ្នាក់ងាររបស់តារាប្រុសស្រីទាំងពីរដួងនេះ ចេញមុខបកស្រាយនៅឡើយនោះទេ ហើយអ្នកគាំទ្ររាប់ម៉ឺននាក់ក៏កំពុងតែរង់ចាំស្តាប់ ចម្លើយពាក្យពិតពីអ្នកទាំងពីរផងដែរ៕