ភ្នំពេញ៖ ក្រោយសម្រាលកូនរួចបាន១ខែ មកទល់នឹងពេលនេះ ឃើញថាតារាចម្រៀងស្រីកំពូល អ្នកនាងឱក សុគន្ធកញ្ញា ទទួលបាននូវការមើលថែយ៉ាងកក់ក្តៅពីស្វាមីជាទីស្រលាញ់ ព្រមទាំងទទួលបាននូវគ្រាប់ពេជ្រ កូនប្រុសដំបូងយ៉ាងគួរឲ្យសរសើរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងគម្រប់ខួបកូនបាន១ខែភ្លែត តារាស្រីរូបនេះបានធ្វើការរៀបចំពិធី ចេញខែកូនប្រុសរបស់ខ្លួនយ៉ាងអធិកអធម ស្របពេលដែលអញ្ជើញតែបងប្អូន និងអ្នកស្និទ្ធស្នាលប៉ុណ្ណោះ ស្របពេលដែលការរៀបចំពិតជាស្រស់ស្អាត ប្លែកភ្នែក សម្រាប់កូនដំបូងរបស់ខ្លួន។
ជាមួយនឹងថ្ងៃពិសេសនេះដែរ ឃើញថាតារាស្រីរូបនេះមិនទាន់បានបង្ហាញជាមួយនឹងរូបភាព ជុំគ្រួសារយ៉ាងណានោះទេ ក៏ប៉ុន្តែក៏មានការលេចធ្លាយនូវទិដ្ឋភាពកម្មវិធី ដែលមានការរៀបចំយ៉ាងល្អចំពោះថ្ងៃដ៏ពិសេសមួយនេះ។
ទន្ទឹមនឹងនេះដែរ បណ្តាអ្នកគាំទ្រនាំគ្នាជូនពរកូនប្រុស និងនាងគ្រប់គ្នា នៅក្នុងថ្ងៃដ៏ល្អមួយនេះ ខណៈពេលដែល នាងក៏បានបង្ហើបពីការវិញចូលសិល្បៈក្នុងពេលឆាប់ៗនេះផងដែរ៕
សូមទស្សនារូបភាពខាងក្រោមនេះ៖