ភ្នំពេញ៖ កាលពីចុងសប្តាហ៍ សិស្សវិទ្យាល័យឆ្នើមកម្ពុជាចំនួន ២០នាក់ ទទួលបានអាហារូបករណ៍ SmartEdu ដែលជួយបង់ថ្លៃការសិក្សានៅសាកលវិទ្យាល័យ និងមានផ្ដល់ថវិកាចំណាយប្រចាំខែរហូតដល់ពួកគេបញ្ចប់ការសិក្សា។​

ពិធីនេះរៀបចំឡើងក្រោមអធិបតីភាពរបស់ឯកឧត្ដមបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា និងឯកឧត្ដម ជុន វ៉ាត ប្រធានលេខាធិការដ្ឋាននៃមូលនិធិកសាងសមត្ថភាព អភិវឌ្ឍន៍ និងការស្រាវជ្រាវ។

នេះគឺជាឆ្នាំទី៤ នៃក្រុមសិស្សវិទ្យាល័យដែលទទួលបានអាហារូបករណ៍ SmartEdu ចាប់តាំងពីឆ្នាំ២០១៦ មក។ ឥឡូវនេះមាននិស្សិតកម្ពុជា ៧០នាក់ ទទួលបានអាហារូបករណ៍ពីកម្មវិធីនេះ ដែលមានតម្លៃរហូតដល់ ១៥,០០០ ដុល្លារ សម្រាប់អាហារូបករណ៍នីមួយៗ។

សិស្សអាហារូបករណ៍របស់ SmartEdu 

កម្មវិធីអាហារូបករណ៍នេះ ចាប់ផ្តើមឡើងដោយផ្ដល់អាហារូបករណ៍ចំនួន ១០កន្លែង ហើយចំនួនអាហារូបករណ៍ត្រូវបានបង្កើន ១០កន្លែង បន្ថែមទៀតក្នុងឆ្នាំ២០១៧ សម្រាប់សិស្សដែលចង់បន្តការសិក្សានៅវិទ្យាស្ថានជាតិប្រៃសណីយ៍ទូរគមនាគមន៍ និងបច្ចេកវិទ្យាព័ត៌មានវិទ្យា (NIPTICT)  តាមរយៈការចូលរួមវិភាគទានរបស់ក្រុមហ៊ុន Smart ក្នុងមូលនិធិកសាងសមត្ថភាព អភិវឌ្ឍន៍ និងការស្រាវជ្រាវរបស់រាជរដ្ឋាភិបាល។ និស្សិតអាហារូបករណ៍ SmartEdu ឆ្នាំទី១ នឹងបញ្ចប់ការសិក្សានៅពាក់កណ្ដាលឆ្នាំក្រោយ ហើយកំពុងត្រៀមចាប់យកអាជីពជោគជ័យ។

លោក ថូម៉ាស ហ៊ុន(Thomas Hundt) នាយកប្រតិបត្តិក្រុមហ៊ុន Smart Axiata បានមានប្រសាសន៍ថា៖

លោក ថូម៉ាស បានបន្ថែមថា៖

សិស្សអាហារូបករណ៍របស់ SmartEdu 

ជ័យលាភីអាហារូបករណ៍ SmartEdu ឆ្នាំមុនៗក៍បានចូលរួមអបអរសាទរ និងស្វាគមន៍និស្សិតថ្មីចំនួន ២០ នាក់ផងដែរ ដែលក្រោយបញ្ជប់កម្មវិធី ពួកគេបានធ្វើដំណើរជាមួយ​និស្សិតអាហារូបករណ៍ផ្សេងទៀត ដើម្បីចូលរួមសិក្ខាសាលាបំប៉នជំនាញកម្មវិធី​ SmartEdu នៅឯរមណីយដ្ឋាន វីគីរីរម្យ (vKirirom)។​ កម្មវិធីដែលមានរយៈពេល ៣ថ្ងៃនេះ រួមមានសិក្ខាសាលាស្តីអំពីគំនិតច្នៃប្រឌិត ជំនាញត្រិះរិះពិចារណា ជំនាញទំនាក់ទំនង និងជំនាញអាជីវកម្មសំខាន់ផ្សេងៗទៀត ដើម្បីត្រៀមពួកគេសម្រាប់ការសិក្សានៅសាកលវិទ្យាល័យ និងទីផ្សារការងារ។​

អាហារូបករណ៍ SmartEdu ក៏ផ្តល់នូវដំបូន្មានណែនាំ និងឱកាសផ្សេងៗទៀតដើម្បីអភិវឌ្ឍន៍ជំនាញរបស់ពួកគេ តាមរយៈការចូលរួមក្នុងកម្មវិធីអភិវឌ្ឍន៍សមត្ថភាព ក៏ដូចជាការចូលរួមក្នុងកម្មវិធីផ្សព្វផ្សាយទំនួលខុសត្រូវសង្គមរបស់ក្រុមហ៊ុន (CSR) នៃក្រុមហ៊ុន Smart។​ និស្សិតអាហារូបករណ៍ SmartEdu ដែលទទួលបានជោគជ័យនឹងត្រូវផ្តល់ឱកាសការងារនៅក្រុមហ៊ុន Smart បន្ទាប់ពីបញ្ចប់បរិញ្ញាបត្រសាកលវិទ្យាល័យ។

សិស្សអាហារូបករណ៍របស់ SmartEdu 

លុយ លីស៊ាំង និស្សិតជ័យលាភីអាហារូបករណ៍ឆ្នាំទី១ បានឲ្យដឹងថា៖

កម្មវិធីអាហារូបករណ៍ SmartEdu គឺជាផ្នែកមួយនៃអនុស្សារណៈយោគយល់គ្នា ដែលធ្វើឡើងក្នុងឆ្នាំ ២០១៨ ដោយក្រុមហ៊ុន Smart ​ជាមួយនឹងក្រសួងអប់រំ យុវជន និងកីឡា និង ក្រសួងប្រៃសណីយ៍ និងទូរគមនាគមន៍កម្ពុជា។ តារយៈអនុស្សារណៈយោគយល់គ្នានេះ ក្រុមហ៊ុន Smart បានប្តេជ្ញាវិនិយោគទឹកប្រាក់ចំនួន ១លាន ៥សែនដុល្លារទៅក្នុងកម្មវិធីចំនួន២ នៃ SmartEdu រួមមាន កម្មវិធីអាហារូបករណ៍ SmartEdu Scholarship និងកម្មវិធីអភិវឌ្ឍន៍និស្សិតសកលវិទ្យាល័យ SmartEdu (USDP)

សម្រាប់ព័ត៌មានបន្ថែម និងព័ត៌មានថ្មីៗពីកម្មវិធី SmartEdu សូមចូលទៅកាន់ទំព័រហ្វេសប៊ុករបស់ Smart តាមរយៈ www.facebook.com/SmartForCambodia  ឬចូលទៅកាន់គេហទំព័រ https://www.smartedu.com.kh

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]