អ៊ីតាលី៖ ក្លិបសេះបង្កង់ Juventus និង Inter Milan ត្រូវបានគេរាយការណ៍ថាបានចាប់អារម្មណ៍ចង់បានខ្សែការពារឆ្នើមរបស់ក្លិបបិសាចក្រហម Manchester United កីឡាករ Chris Smalling។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករ Chris Smalling បានចាកចេញពីក្រុម Man Utd ទៅចូលរួមជាមួយនឹងក្រុម Roma កាលពីកំឡុងពេលទីផ្សារដោះដូរកីឡាកររដូវក្ដៅកន្លងទៅនេះ ក្នុងលក្ខខណ្ឌខ្ចីជើងរយៈពេល១រដូវកាល។
ខ្សែការពារវ័យ៣០ឆ្នាំ បានទទួលរងការរិះគន់ជាច្រើនទាក់ទងទៅនឹងការបង្ហាញទម្រង់លេងមិនសូវបានល្អ នៅរយៈពេលប៉ុន្មានឆ្នាំចុងក្រោយ ជាមួយនឹងក្រុម Man Utd។
យ៉ាងណាមិញបច្ចុប្បន្នគាត់បានសាងកេរ្តិ៍ឈ្មោះសាជាថ្មីម្ដងទៀតនៅទឹកដីប្រទេសអ៊ីតាលី ដោយក្នុងរដូវកាលនេះបានអភិវឌ្ឍខ្លួនក្លាយជាកីឡាករសំខាន់១រូបសម្រាប់ក្រុម Roma ដោយបង្ហាញខ្លួនក្នុងជម្រើស១១នាក់ដំបូងបានចំនួន១៤ប្រកួត ស៊ុតបញ្ចូលទីបាន២គ្រាប់។
យោងតាមកាសែត Gazzetta dello Sport របស់ប្រទេសអ៊ីតាលីបានឲ្យដឹងថា ក្លិបសេះបង្កង់ Juventus និង Inter Milan បានដាក់គោលដៅចង់បាន Smalling នៅរដូវក្ដៅឆ្នាំក្រោយ។ ខណៈក្លិប Man Utd ត្រូវបានគេរាយការណ៍ថា ទំនងនឹងទាមទារតម្លៃ ១៧លានផោន (ឬប្រហែល ២២លានដុល្លារអាមេរិក) សម្រាប់ខ្សែការពារសញ្ជាតិអង់គ្លេសរូបនេះ៕
ប្រភព៖ caughtoffside