ភ្នំពេញ៖ កាលពីពេលកន្លងទៅថ្មីៗនេះក្រុមហ៊ុនផលិតផលម៉ាកយីហោរខ្មែរ T&L Natural បានរៀបចំមហាព្រឹតិ្តការណ៍ដ៏ធំ ជួបជុំសមាជិកគ្រួសាររបស់ក្រុមហ៊ុនជាង១ពាន់នាក់នៅកោះពេជ្រ
ដោយនៅថ្ងៃនោះក្រុមហ៊ុនបានរៀបចំកម្មវិធីជាច្រើន ដើម្បីផ្តល់ជូនសមាជិកទាំងអស់ ហើយកាន់តែពិសេសនោះគឺ កម្មវិធីនេះក៏បានប្រមូលថវិកាជួយទៅដល់មន្ទីរពេទ្យគន្ធបុប្ផាផងដែរ។ ហើយនៅរសៀលនេះក្រុមហ៊ុនក៏បានឆ្លៀតពេលយកថវិកាដែលប្រមូលបាន រួមទាំងថវិកាផ្ទាល់របស់ក្រុមហ៊ុនចំនួន ៤០,០០០,០០០៛ ទៅជូនដល់មន្ទីរពេទ្យគន្ធបុប្ផាផងដែរ។
លោកស្រី លាង ធារ៉ា ដែលជាម្ចាស់ក្រុមហ៊ុនផលិតផលម៉ាកយីហោរខ្មែរ T&L Natural បានប្រាប់អ្នកសារព័ត៌មាន អំឡុងពេលដែលលោកស្រីនិងក្រុមការងារយកថវិកាទៅជូនដល់មន្ទីរពេទ្យគន្ធបុប្ផានៅរសៀលថ្ងៃទី១១ ខែធ្នូ នេះថា៖
“ដំបូងឡើយក្រុមហ៊ុនលោកស្រីបានរៀបចំព្រឹត្តិការណ៍ជួបជុំរបស់ស្ត្រី អប់រំ បង្ហាញពីចំណុចល្អៗរបស់ស្ត្រីឱ្យចេះបំលាស់ទី ស្គាល់ពីតម្លៃនៃការរកស៊ីឱ្យពួកគាត់ដឹងថា ចូលមកជាសមាជិកក្រុមហ៊ុន គាត់ទទួលបានអត្ថប្រយោជន៍ច្រើនលើសពីការរំពឹងទុក។ ហើយនៅក្នុងកម្មវិធីសមាជិកក៏បានចូលរួមបរិច្ចាកថវិកាផ្ទាល់ខ្លួនជូនដល់មន្ទីរពេទ្យគន្ធបុប្ផា ដែលប្រមូលបាន ២១,៣៧១,៨៥០ រៀល ហើយថវិកាក្រុមហ៊ុនផ្ទាល់ប្រគល់ជូនបន្ថែម ១៨,៦២៨,១៥០ រៀល ទឹកប្រាក់សរុប ៤០,០០០,០០០រៀល ហើយនៅថ្ងៃនេះក៏បានយកមកជូនដល់មន្ទីរពេទ្យផ្ទាល់តែម្តង”។
លោកស្រីបានប្រាប់ទៀតថា៖
“ក្រុមហ៊ុនមានឆន្ទ:ជួយស្ត្រីកម្ពុជាឲ្យពួកគាត់ចេះអភិវឌ្ឍន៍ខ្លួន ដឹងពីតម្លៃរបស់ខ្លួនសមត្ថភាពរបស់ខ្លួនមិនដូចពាក្យចាស់ពោលថា "ស្ត្រីវិលចង្ក្រានមិនជុំ" ទៀតឡើយ ព្រោះពេលនេះស្ត្រីពូកែមានសមត្ថភាព គឺមានកាន់តែច្រើន គឺផ្តើមចេញពីក្រុមហ៊ុនរបស់លោកស្រី ដែលតែងតែ បណ្តុះបណ្តាលផ្នត់គំនិតស្ត្រីឱ្យមានភាពរីកចម្រើនឱ្យពួកគាត់ស្គាល់ពីខ្លួនឯង ហើយនេះជាចំណែកមួយដែលក្រុមហ៊ុនបានជួយសង្គម ជួយកាត់បន្ថយបន្ទុកក្នុងសង្គម និងតែងតែចូលរួមធ្វើការងារសប្បុរសធម៌ផងដែរ”។
ជារឿយៗគ្រួសារ T&L Natural តែងតែមានកម្មវិធីជួបជុំគ្នា ជាក់ស្តែងកាលពី៥ខែមុន ជួបជុំ ៥០០នាក់ តែកម្មវិធីជួបជុំលើកនេះគឺកើនឡើង ១,០០០ នាក់ នេះសរបញ្ជាក់ពីភាពរីកចម្រើនរបស់ក្រុមហ៊ុន។ ក្រុមហ៊ុនតែងតែមានការយកចិត្តទុកដាក់ទៅដល់សមាជិកគ្រប់រូប និងតែងតែមានគន្លឹះសំខាន់ៗចែករំលែកដល់ពួកគាត់ជាប់ជានិច្ច ផលិតផលល្អ មានគុណភាពល្អធ្វើឲ្យអតិថិជនមានទំនុកចិត្តដោយសារតែហេតុផលទាំងនេះហើយ ទើបធ្វើឲ្យក្រុមហ៊ុនចេះតែមានសមាជិកច្រើនឡើងជាលំដាប់៕
Bong I.T