ជាទូទៅព្រះមហាក្សត្រនៃប្រទេសនីមួយៗមានបរិវារជួយគ្រប់សកម្មភាព ព្រោះព្រះមហាក្សត្រប្រៀបដូចជាអាទិទេពរបស់ប្រជាជននៃប្រទេសនោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែកជារឿងប្លែកចិត្តមួយដែលធ្វើឲ្យអ្នកឃើញសកម្មភាពរបស់ព្រះមហាក្សត្រមួយអង្គ ចាប់អារម្មណ៍យ៉ាងខ្លាំង ហើយឈានដល់ការចែកចាយរូបភាពព្រោងព្រាតលើបណ្តាញអ៊ីនធើណែតទៀតផង។
ព្រះមហាក្សត្រ និងមហាក្សត្រីនៃប្រទេសស៊ុយអ៊ែតបានមកដល់ប្រទេសឥណ្ឌាកាលពីថ្ងៃ០២ធ្នូ ២០១៩កន្លងទៅ។ មហាក្សត្រដែលបានធ្វើដំណើរតាមរយៈអាកាសចរ Air Indiaខាងលើ បានទទួលនូវការចាប់អារម្មណ៍យ៉ាងខ្លាំង ដោយសារតែទ្រង់ជាជនមានឥទ្ធិពល និងត្រូវបានគេគោរពមិនគួរឲ្យជឿ តែទ្រង់ត្រូវបានគេប្រទះឃើញថា យួរកាបូបអីវ៉ាន់ដោយខ្លួនឯងយ៉ាងសាមញ្ញនៅឯព្រលានយន្តហោះទៅវិញ។
សូមបញ្ជាក់ថា ព្រះចៅអធិរាជស៊ុយអ៊ែត Carl Gustaf Folke Hubertus និងម្ចាស់ក្សត្រី Silvia Renate Sommerlath បានមកដល់ប្រទេសឥណ្ឌាសម្រាប់ដំណើរទស្សនកិច្ចរយៈពេល ៥ថ្ងៃ។ គូស្វាមីភរិយាខាងលើនឹងជួបប្រជុំជាមួយប្រធានាធិបតី Ram Nath Kovind និងនាយករដ្ឋមន្រ្តី Narendra Modi ត្រូវបានមកទទួលដោយសមាជិកសភា Babul Supriyo នៅអាកាសយានដ្ឋាន New Delhi ផងដែរ៕
ប្រភព៖ India Today