អ៊ីតាលី៖ ក្រុម Napoli ក្នុងនាមជាម្ចាស់ផ្ទះ បានបើកទ្វារកីឡដ្ឋាន San Paolo ទទួលស្វាគមន៍ក្រុមភ្ញៀវ Genk ក្នុងព្រឹត្តិការណ៍ Champions League ដែលជាការប្រកួតប្រចាំពូល F កាលពីរាត្រីថ្ងៃអង្គារកន្លងទៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងការប្រកួតនេះ ក្រុមម្ចាស់ផ្ទះមានឱកាសសម្រុកច្រើនទៅលើក្រុមភ្ញៀវ ដោយស៊ុតបាន១១ជើង ចំគោលដៅ៥ដង សម្រេចទីបាន៤គ្រាប់ ចំណែកឯក្រុមភ្ញៀវ ស៊ុតបាន១១ជើង ចំគោលដៅ២ដង។
៤គ្រាប់របស់ក្រុមម្ចាស់ផ្ទះ ធ្វើបានដោយកីឡាករ ២រូបផ្សេងគ្នា ដោយខ្សែប្រយុទ្ធសញ្ជាតិប៉ូឡូញកីឡាករ Arkadiusz Milik ស៊ុតបាន Hat-trick រីឯខ្សែបម្រើប្រយុទ្ធឆ្នើមសញ្ជាតិប៊ែលហ្សិកកីឡាករ Dries Mertens ស៊ុតគ្រាប់ទី៤ នៅពាក់កណ្ដាលតង់ទី២។
ដូច្នេះក្រោយបញ្ចប់ការប្រកួតក្រុមម្ចាស់ផ្ទះ Napoli បានទទួលជ័យជម្នះទៅលើក្រុមភ្ញៀវ Genk ក្នុងលទ្ធផល ៤ទល់នឹង០។ តាមរយៈលទ្ធផលនេះ បានជួយឲ្យក្រុម Napoli ឡើងឈរចំណាត់ថ្នាក់លេខ២ ក្នុងពូល F មាន១២ ពិន្ទុ តោងដៃក្រុមលេខ១ Liverpool ដែលមាន១៣ពិន្ទុ ឡើងទៅវគ្គ១៦ក្រុមចុងក្រោយ ខណៈក្រុម Genk ៦ប្រកួតកន្លងទៅ មានត្រឹម១ពិន្ទុ ឈរចំណាត់ថ្នាក់លេខ៤ ធ្លាក់វគ្គជម្រុះក្នុងពូល៕
សូមទស្សនាវីដេអូសង្ខេបនៃការប្រកួត ខាងក្រោមនេះ៖