អូទ្រីស៖ ក្រុមហង្សក្រហម Liverpool បានឡើងទៅលេងវគ្គ ១៦ក្រុមចុងក្រោយ ព្រឹត្តិការណ៍ Champions League បន្ទាប់ពីយកឈ្នះក្រុម Salzburg ក្នុងលទ្ធផល ២ទល់នឹង០ កាលពីរាត្រីថ្ងៃអង្គារកន្លងទៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងការប្រកួតនេះ ក្រុមទាំងពីរមានឱកាសសម្រុកគ្នាទៅវិញទៅមក ដោយក្រុមម្ចាស់ផ្ទះ Salzburg ស៊ុតបាន៩ជើង ចំគោលដៅ៦ដង ចំណែកឯក្រុមភ្ញៀវ Liverpool ស៊ុតបាន១៩ជើង ចំគោលដៅ៧ដង សម្រេចទីបាន២គ្រាប់។
គ្រាប់បាល់ចាប់ផ្ដើមកើតមានឡើងក្នុងតង់ទី២ ដោយខ្សែបម្រើ Naby Keita ស៊ុតគ្រាប់ទី១ឲ្យ Liverpool នៅនាទីទី៥៧ ត្រឹម១នាទីក្រោយមក ខ្សែប្រយុទ្ធស្លាបសញ្ជាតិអេហ្ស៊ីប កីឡាករ Mohamed Salah ក៏បន្ថែមគ្រាប់ទី២ នៅនាទីទី៥៨។
ដូច្នេះបញ្ចប់៩០នាទីក្រុម Salzburg បានរងបរាជ័យក្រោមថ្វីជើងក្រុម Liverpool ក្នុងលទ្ធផល ០ទល់នឹង២។ តាមរយៈជ័យជម្នះនេះជួយឲ្យក្រុម Liverpool ឈរកំពូលតារាងក្នុងពូល F ដោយមាន១៣ពិន្ទុ ក្នុងដៃ ខណៈក្រុម Salzburg ឈរចំណាត់ថ្នាក់លេខ៣ មាន៧ពិន្ទុ។
គួរឲ្យដឹងដែថា ក្នុងពូល F ២ក្រុមដែលត្រូវឡើងទៅលេងវគ្គ១៦ក្រុម មានដូចជាក្រុមលេខ១ Liverpool និងក្រុមលេខ២ Napoli ចំណែកឯក្រុមលេខ៣ Salzburg ធ្លាក់ទៅលេងក្របខណ្ឌ Europa League៕