តើអ្នកមានជំងឺធ្លាក់ទឹកចិត្ត ឬមួយគ្រាន់តែអស់កម្លាំង?

ស្ថានភាពនៃការគេង និងជំងឺធ្លាក់ទឹកចិត្ត

ជំងឺធ្លាក់ទឹកចិត្តបានក្លាយជាជំងឺលាក់មុខដ៏កាចសាហាវដែលបានឆក់យកជីវិតមនុស្សរាប់រយនាក់ក្នុងប្រទេសនីមួយៗ ក្នុងមួយឆ្នាំៗ។ ស្ថាប័ន World Art បានបញ្ជាក់នៅក្នុងរបាយការណ៍របស់ខ្លួនថា បច្ចុប្បន្នមានប្រជាជនមិនតិចជាង ២០ លាននាក់ទេ ដែលមានជំងឺធ្លាក់ទឹកចិត្ត និងមានបញ្ហាទាក់ទងនឹងការគេងមិនលក់។

អ្នកដែលកំពុងអានអត្ថបទនេះ អាចនឹងមានការបារម្ភពីស្ថានភាពរបស់ខ្លួន ថាតើយើងអាចដឹងយ៉ាងម៉េចបានថាយើងគ្រាន់តែហត់នឿយ ឬយើងមានជំងឺធ្លាក់ទឹកចិត្ត?

ចំពោះមនុស្សហត់នឿយដោយសារការគេងមិនចេះស្កប់ស្កល់មានរោគសញ្ញា៖

1. អារម្មណ៍ឆេវឆាវ
2. ខ្វះថាមពល និងកម្លាំងចិត្ត
3. ឆាប់ខឹង

ចំណែកអ្នកដែលមានជំងឺធ្លាក់ទឹកចិត្តអាចមានបញ្ហាជាមួយនឹងការគេងមិនស្កប់ស្កល់ផងដែរ។

លក្ខណៈសម្គាល់រោគសញ្ញារបស់អ្នកមានជំងឺធ្លាក់ទឹកចិត្ត

អ្នកជំនាញដែលសិក្សាលើផ្នែកនៃការគេងរបស់មនុស្ស​ និងជាស្ថាបនិកមជ្ឈមណ្ឌលវេជ្ជសាស្ត្រMenlo Park បាននិយាយអំពីភាពខុសគ្នារវាងការគេងមិនលក់ និងអារម្មណ៍របស់អ្នកមានជំងឺធ្លាក់ទឹកចិត្ត។

រោគសញ្ញានៃជំងឺធ្លាក់ទឹកចិត្តរួមមាន៖

1. គេងមិនលក់
2. អារម្មណ៍មិនល្អ
3. កង្វះថាមពល
4. អារម្មណ៍នៃភាពអស់សង្ឃឹម, កំហុស, ឬទាំងពីរ
5. ឆាប់ភ័យ និងព្រួយបារម្ភច្រើន
6. មានគំនិតចង់ធ្វើអត្តឃាតជាញឹកញាប់។

បញ្ហាទាំងនេះ បណ្តាលឲ្យអ្នកជំងឺអស់សង្ឃឹម និងមើលឃើញពិភពលោកក្នុងផ្លូវអវិជ្ជមាន។​ តែយ៉ាងណា គេពិតជាត្រូវការ កម្លាំងចិត្តពីមនុស្សជុំវិញខ្លួន ជាជាងពាក្យរិះគន់​ និងរើសអើង៕