ភ្នំពេញ៖ ក្រុមហ៊ុនអចលនទ្រព្យលំដាប់ពិភពលោក Century21 Cambodia បាននឹងកំពុងពង្រីកឱកាសទីផ្សារ ពង្រឹងទំនុកចិត្ត និងកំពុងទាក់ទាញការវិនិយោគវិស័យអចលនទ្រព្យ ពីសំណាក់អ្នកវិនិយោគបរទេស។

លោកស្រី Grace Rachny Fong នាយិកាក្រុមហ៊ុន Century21 Cambodia បានមានប្រសាសន៍ក្នុងមហាសន្និបាតប្រចាំឆ្នាំលើក​ទី​២ នៃ​គ្រួ​សារ​ Century 21 ប្រ​ចាំ​កម្ពុជា​ដោយ​​មាន​អ្នក​ចូល​រួមជាង ៧០០នាក់ និងមាន​ការ​​ផ្តល់ពាន​​រង្វាន់​ដ៏​​សម្បូរ​បែបដល់​​សមាជិករួម​គ្រួសា​រ ​កាលពីរាត្រីថ្ងៃទី០៩ ខែធ្នូ កន្លងមកថា៖

លោកស្រីបន្តថា៖

  មហាសន្និបាតប្រចាំឆ្នាំលើក​ទី​២ នៃ​គ្រួ​សារ​ Century 21

ព្រឹត្តិ​​ការ​ណ៍​​ប្រ​ចាំ​ឆ្នាំ​លើក​ទី​២​នេះ ​ត្រូវ​បាន​រៀប​ចំ​ឡើង​កាន់​តែធំ​ជាង​មុន ហើយ​​​​​​​វត្ត​មាន​អ្នក​ចូល​រួម​គឺ​មាន​ទាំង​​​ពី​​រ​សមាជិក​គ្រួសារ​ Century 21 នៅ​កម្ពុជា​ទាំង ២៣ក្រុម​ហ៊ុន និង​ពី​​​សមាជិក​គ្រួសារ Century 21 ពីសហ​រដ្ឋ​អាមេរិក ជប៉ុន ចិន កូ​រ៉េ តៃ​វ៉ាន់ សឹង្ហ​បុរី ហុង​កុង និង​​តំ​ណាង​ស្ថាប័នឯក​ជន​​ធំៗ​​ដូច​ជា​​ ម្ចាស់​សហ​គ្រាស ម្ចាស់​ក្រុម​ហ៊ុន​អភិវឌ្ឍន៍​អចលន​ទ្រព្យ និងតំណាង​ពី​ធនាគារ។

លោក​ស្រី Grace Rachny Fong បាន​ថ្លែង​ថា៖

លោកស្រីបន្តថា៖

មហាសន្និបាតប្រចាំឆ្នាំ​លើក​ទី​២ នៃ​គ្រួ​សារ​ Century 21

ការ​ទទួល​បាន​ពាន​​រង្វាន់​របស់​ក្រុម​ហ៊ុន​ជា​​សមាជិកគ្រួ​សារ​ Century 21 ​នា​ពេល​នេះ​ គឺឆ្លុះ​បញ្ចាំងពី​ការ​តាំង​ចិត្តខ្ពស់​របស់​ម្ចាស់​ក្រុម​ហ៊ុន​​នី​មួយៗ ក្នុង​ការ​​​ផ្តល់​សេវាកម្ម​អចលន​ទ្រព្យ​​ប្រ​កប​ដោយ​វិជ្ជា​ជីវៈ ទំ​នួល​ខុស​ត្រូវ​ខ្ពស់ ដើម្បី​អភិវឌ្ឍន៍​ទីផ្សារ​ដី​ធ្លី ខុន​ដូ បុរី និងទី​ផ្សារ​​អចលន​ទ្រព្យ​ផ្សេងទៀតនៅ​កម្ពុជា​។

លោក​ស្រី Grace Rachny Fong បាន​បន្ថែម​ថា៖

វិ​ស័យ​អចលន​ទ្រព្យ​កម្ពុជានឹង​បន្ត​រីក​ចម្រើន​ដោយ​ភាព​រឹង​មាំ​ នា​ពេល​ខាង​មុខ​ទៀត​ ដោយ​សារ​ស្ថិរ​ភាព​នយោបាយ ​ស្ថិរ​ភាព​ម៉ាក្រូ​សេដ្ឋ​កិច្ច និង​​កំ​ណើន​ចំ​នួន​ប្រ​ជា​ជន។ តួលេខ​ជំ​រឿន​ទូ​ទៅ​ប្រ​ជា​ជន​កម្ពុជា​ឆ្នាំ២០១៩ បាន​បង្ហាញ​ថា ប្រ​ជា​ជន​សរុប​នៅ​ឆ្នាំ២០១៩ មាន​ចំ​នួន​ ១៥,២៨ លាន​នាក់​ គឺកើន​ឡើង​ ១៤ ភាគរយ​ពី​ឆ្នាំ២០០៨ ដែល​មាន​ចំ​នួន ១៣,៣៩ លាន​នាក់។ កំ​ណើន​នេះ​ឆ្លុះ​បញ្ចាំងថា​ តម្រូវ​ការ​ផ្ទះ និង​អគារ​ពាណិជ្ជ​កម្ម​នឹង​បន្ត​កើន​ឡើង។

យោង​តាម​របាយ​ការណ៍​បច្ចុប្បន្ន​ភាព​សេដ្ឋកិច្ច​កម្ពុជា​ របស់​ធនាគារ​ពិ​ភព​លោក​​ ​​ចេញ​ផ្សាយ​កាល​ពី​ថ្ងៃ​ទី២៧ វិច្ឆិកា ឆ្នាំ២០១៩​ ​​​សេដ្ឋកិច្ច​កម្ពុជានឹង​​នៅ​រក្សា​បាន​ភាពស្វាហាប់ និង​មាន​កំ​ណើន​​៧ភាគរយ​​ក្នុង​​ឆ្នាំ​២០១៩។ ធនាគារ​ពិ​ភព​លោក​បាន​បង្ហាញ​ថា វិស័យ​សំណង់​នៅ​បន្ត​សកម្មភាព​គគ្រឹក​គគ្រេង​ ដែល​ឆ្លុះ​បញ្ចាំង​ឲ្យឃើញ​ថា ​មិន​ទាន់​មាន​ភាព​នឿយ​ណាយ​នៃ​ការ​វិនិយោគ​លើ​វិស័យ​នេះ​នៅ​ឡើយ​ទេ។ ជា​លទ្ធ​ផល​ ការនាំ​ចូល​ដែក​សំណង់​បាន​ស្ទុះ​ឡើង​យ៉ាង​គំហុក​ ដល់​ទៅ​៦៣,៥ភាគរយ ​គិត​ត្រឹម​ខែមិថុនា ឆ្នាំ​២០១៩ ពី ២៧,៧ភាគរយ ក្នុង​ឆ្នាំ​២០១៨។

  មហាសន្និបាតប្រចាំឆ្នាំ​លើក​ទី​២ នៃ​គ្រួ​សារ​ Century 21

លោក Ken Lo ​នា​យក​ប្រតិ​បត្តិ​ក្រុមហ៊ុន Century 21 Imperial Realty Co., Ltd ដែល​ជា​​សមាជិកការិយាល័យ​មួយ​របស់​ Century 21 Cambodia បាន​លើក​ឡើងថា​​៖​

លោក​ Ken Lo បន្ត​ថា៖

យោង​តាម​ទិន្ន​ន័យ​ពី​ក្រ​​សួង​រៀប​ចំ​ដែន​ដី នគរូបនីយ​កម្ម និង​សំ​ណង់ ក្នុង​រយៈ​ពេល​ពី​ខែ​មក​រា ដល់​ខែវិច្ឆិកា​ ​​ឆ្នាំ២០១៩​នេះ​ ក្រសួង​​បាន​អនុម័ត​លើ​គម្រោង​ស្នើ​សុំ​វិនិយោគ​ លើ​វិ​ស័យ​សំ​ណង់ដែល​មាន​ទុន​វិនិយោគសរុប​​ជាង ៨,៧៥ ពាន់​លាន​ដុល្លារ​ គឺ​កើន​ឡើង​ ៦៧ ភាគរយ​ធៀប​នឹង​រយៈ​ ១១ ខែ​ដូច​គ្នា​ឆ្នាំ ២០១៨។ ចំ​ពោះ​ក្រុម​ហ៊ុន​ដែល​បាន​ចុះ​បញ្ជី​ និង​មាន​សុ​ពល​ភាព​កំ​ពុង​ប្រ​កប​អាជីវ​កម្ម​សាង​សង់​ និង​សិក្សា​គម្រោង​ប្លង់​នៅ​កម្ពុជា​មាន​ចំ​នួន​ ១ ០៨១ ក្រុម​ហ៊ុន​ក្នុង​នេះ ​មាន​ក្រុម​ហ៊ុន​បរទេស​ចំ​នួន​៤៨៥ ក្រុម​ហ៊ុន​ គឺមក​ពី​ប្រ​ទេស​ចិន​ កូរ៉េ ជប៉ុន ថៃ វៀត​ណាម សឹង្ហ​បុរី ម៉ា​ឡេស៊ី បារាំង អាមេរិក អង់គ្លេស ឥណ្ឌូនេស៊ី​ អូស្រ្តាលី កាណា​ដា និង​ប្រ​ទេស​ជា​ច្រើន​ទៀត។

  មហាសន្និបាតប្រចាំឆ្នាំ​លើក​ទី​២ នៃ​គ្រួ​សារ​ Century 21

លោក គុយ វ៉ាត​ ប្រធានក្រុមប្រឹក្សាភិបាលក្រុមហ៊ុន Century21 Cambodia បានមា​នប្រសាសន៍ថា៖

លោកបន្តថា៖

ប្រ​ទេស​កម្ពុជា​ ជា​ប្រទេស​ទី ៧៥ ដែល​ក្រុម​ហ៊ុន​លំ​ដាប់​ពិ​ភពលោក​មួយ​នេះ​ បាន​​ឈាន​ជើង​ចូល​ក្នុង​ទី​ផ្សារ​ដើម្បី​ចូល​រួម​អភិវឌ្ឍន៍​វិ​ស័យ​អចលន​ទ្រព្យ។ ចាប់​តាំ​ង​ពី​ពេល​បើក​សម្ពោធ​ដំ​ណើរ​ការ​ជា​ផ្លូវ​ការ​ដំ​បូង រហូត​មក​ទល់​ពេល​នេះ​ យើង​មាន​អាយុ​កាល​ ៥ ឆ្នាំ​ហើយ​។ ហើយ​យើង​បាន​​បម្រើ​សេវា​កម្ម​ទិញ​លក់ ជួល​ អចលន​ទ្រព្យ​​គ្រប់​ប្រ​ភេទ​ដល់​បង​ប្អូន​ប្រ​ជា​ជន​ខ្មែរ​ និង​អ្នក​វិនិយោគ​មក​ពី​​បណ្តា​ប្រទេស​ផ្សេងៗ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ