ក្រៅពី ស៊ីន យូប៊ីន នៅមានតារាស្រីខ្មែរ ប៉ុន្មាននាក់នេះទៀត បានជាប់ក្នុងបញ្ជី«នារីអាស៊ី​ មានសម្រស់ស្អាតជាងគេ» ក្នុងចំណោម១០០នាក់

ភ្នំពេញ៖ ថ្មីៗនេះ មានការភ្ញាក់ផ្អើលមួយ បន្ទាប់ពី កញ្ញា ស៊ីន យូប៊ីន ដែលជាតារាសម្ដែងស្រីដ៏ឆ្នើម បានជាប់ក្នុងបញ្ជី តារាស្រីមានសម្រស់ស្រស់ស្អាត បំផុតប្រចាំអាស៊ី ក្នុងឆ្នាំ២០១៩ « Most Beautiful Southeast Asia Women» លេខរៀងទី៦៤ ក្នុងចំណោម១០០នាក់។

មិនត្រឹមតែប៉ុណ្ណោះ យោងតាមលទ្ធផល សរុបជារួម ក្រៅពី ស៊ីន យូប៊ីន ក៏បានលេចចេញនៅឈ្មោះតារាស្រីជាច្រើន ក្នុងបញ្ជីដ៏អស្ចារ្យនោះផងដែរ ។ ក្នុងនោះដែរ កូនកាត់កម្ពុជាមួយរូប ទទួលបានចំណាត់ថ្នាក់លេខ១៩ ឈ្មោះថា Melia Constantan ព្រមទាំងមានកញ្ញា សំណាង អេលីណា កញ្ញា ប៊ី​សុធារី តារាចម្រៀង រ៉េត ស៊ូហ្សាណា ហើយតារាដែល ទទួលបានភាពពេញនិយមក្នុងបណ្ដាញសង្គម កញ្ញា ឡេង និង ដាវដាវ ទៀតផង។

ចំពោះលទ្ធផលនេះ ពិតជាបានធ្វើឲ្យហ្វេនៗទាំងអស់ពេញចិត្ត និងសរសើរថា ពិតជាសាកសមសម្រាប់តារាស្រីទាំងនោះពិតមែន ព្រោះក្រៅពី សម្រស់ដ៏ទាក់ទាញហើយ ពួកគេមានសមត្ថភាពសិល្បៈដ៏ពិសេសរៀងៗខ្លួន។

គួរបញ្ជាក់ថា តារាស្រី ដែលនៅលេខរៀងទី១ មានសម្រស់ស្រស់ស្អាត ប្រចាំអាស៊ីបានទៅលើ តារាសម្ដែងស្រី ជនជាតិថៃ YaYa Urassaya ៕

ចង់ជ្រាបច្បាស់ ទស្សនារូបភាពខាងក្រោម៖