រុស្ស៊ី៖ ទីភ្នាក់ងារប្រឆាំងគ្រឿងញៀនពិភពលោក (WADA) បានបញ្ជាក់ថាប្រទេសរុស្ស៊ីត្រូវបានហាមឃាត់មិនឱ្យចូលរួមរាល់ការប្រកួត ក្នុងព្រឹត្តិការណ៍កីឡាសំខាន់ៗទាំងអស់រយៈពេល ៤ ឆ្នាំ ដោយសារត្រូវបានគេរកឃើញថា បានបង្ហាញទិន្នន័យក្លែងក្លាយពីមន្ទីរពិសោធន៍ និងលុបរាល់ឯកសារដែលជាប់ទាក់ទងនឹងការធ្វើតេស្តរកឃើញមានការប្រើប្រាស់សារធាតុញៀនរបស់កីឡាករ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ការដាក់បម្រាមនេះ បានធ្វើឲ្យប្រទេសរុស្ស៊ីខកខានចូលរួមព្រឹត្តិការណ៍កីឡាធំៗ ដូចជាព្រឹត្តិការណ៍កីឡាអូឡាំពិកទីក្រុងតូក្យូឆ្នាំ២០២០ និងការប្រកួតបាល់ទាត់ពិភពលោកឆ្នាំ ២០២២ នៅប្រទេសកាតា។
សម្រាប់អត្តពលិកដែលមិនជាប់ពាក់ព័ន្ធនឹងរឿងនេះក្រោយបង្ហាញភស្តុតាងជាក់លាក់ណាមួយ នឹងអាចចូលរួមប្រកួតក្នុងនាមជាអត្តពលិកអព្យាក្រឹត ដូចទៅនឹងករណីកំឡុងពេលព្រឹត្តិការណ៍កីឡាអូឡាំពិកទីក្រុង ព្យុងយ៉ាង ប្រទេសកូរ៉េ ឆ្នាំ២០១៨ផងដែរ។
យ៉ាងណាមិញ រុស្ស៊ីមានសិទ្ធិប្ដឹងតវ៉ាសម្រាប់ករណីខាងលើនេះក្នុងរយៈពេល ២១ថ្ងៃ៕
ប្រភព៖ skysports
Bong I.T