ភ្នំពេញ៖ មានបេក្ខជនជាច្រើនរូប ដែលបានបង្ហាញខ្លួននៅក្នុងកម្មវិធីប្រលងចម្រៀងសម័យឌីជីថលប្លែកពីគេ «The Mask Singer Cambodia» ដែលម្នាក់ៗសុទ្ធតែពាក់របាំងមុខ និងគ្រងឈុតប្លែកៗស្អាតៗ គួរឲ្យចង់ទស្សនា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងសប្តាហ៍ទី៤ ដែលបានចាក់ផ្សាយកាលពីថ្ងៃសៅរ៍ ម៉ោង ៨ យប់លើប៉ុស្តិ៍ហង្សមាសកន្លងមកនេះ បេក្ខជនចុងក្រោយគេដែលត្រូវបានគេស្គាល់ថាជាកញ្ញា ឡៅ មុនីវណ្ណ នោះបានបញ្ចេញអារម្មណ៍បរិយាយនូវរឿងរ៉ាវដែលជាប់ដិតដាមក្នុងទ្រូងជាយូរមកហើយជាមួយអ្នកនាង ពេជ្រ សោភា ដែលជាគណៈកម្មការក្នុងកម្មវិធី «The Mask Singer Cambodia» នេះផ្ទាល់តែម្តង។
កញ្ញា ឡៅ មុនីវណ្ណ បានរៀបរាប់ពីអនុស្សវរីយ៍ដែលរូបនាងមិនអាចបំភ្លេចបានកាលពីនៅវ័យកុមារ ក្នុងនាមជាក្មេងរើសអេតចាយនៅគំនរសំរាមស្ទឹងមានជ័យ ដែលគ្រានោះចៃដន្យនាងបានជួបនឹងអ្នកនាង ពេជ្រ សោភា នៅទីនេះ ថែមទាំងត្រូវបានអ្នកនាង ពេជ្រ សោភា យកដៃអង្អែលក្បាលដោយក្តីអាណិតស្រលាញ់ ពិតជាធ្វើឲ្យនាងរំភើបដក់ក្នុងចិត្តមិនអាចបំភ្លេចបានមកដល់សព្វថ្ងៃ។
កញ្ញា ឡៅ មុនីវណ្ណ ក៏ធ្លាប់ប្រលងចម្រៀងច្រើនដងមកហើយដែរ មុនមកដល់ «The Mask Singer Cambodia» នេះហើយទោះជាមិនបានជោគជ័យក៏នាងនៅតែមិនចុះចាញ់ក្នុងការសម្រេចក្តីប្រាថ្នារបស់នាងឡើយ។ កម្មវិធី «The Mask Singer Cambodia» មានចាក់ផ្សាយជូនទស្សនារៀងរាល់ ថ្ងៃសៅរ៍ ម៉ោង ៨ យប់ នៅលើកញ្ចក់ទូរទស្សន៍ ហង្សមាស HDTV៕
ឧបត្ថម្ភផ្តាច់មុខដោយក្រុមហ៊ុន OPPO
#OPPOReno2
#OPPOReno2F
#កាមេរ៉ា4Zoomទៅកាន់ក្តីស្រមៃ